बाँके भदौ १६ गते ।
अखिल नेपाल राष्ट्रिय विद्यार्थी युनियन (क्रान्तिकारी)ले त्रिभुवन नमुना बिद्यालय कोहलपुर विभिन्न माग सहितको ज्ञापनपत्र बुझाएको छ ।
विभिन्न वहानमा लगिएको शुल्क फिर्ता गर्नुपर्ने, भाषाको आधारमा गरिने विभेद अन्त्य गरिनुपर्ने, राजनीतिक भागबन्डाको आधारमा शिक्षक तथा कर्मचारी नियुक्ती गरिनुपर्ने कार्य बन्द हुनु पर्नेलगायतका ८ बुँदे माग अघि सारिएको छ ।
अंग्रेसी भाषाका नाममा मासिक शुल्क, खेलकुद शुल्क, पुस्तकालय, भौतिक संरचना निर्माण तथा व्यवस्थापन, परीक्षा, कम्युपटर शिक्षा, विद्युतलगायतका अन्य विविध बिषयमा मनोमानी तरिकाले शुल्क लिइएको भन्दै क्रान्तिकारीले तत्काल त्यो कार्य बन्द गर्न र लिएको शुल्क फिर्ता गर्न माग गरेको हो ।
यहाँ अंग्रेजी र नेपाली दुवै भाषामा पढाइ हुने गरेको छ । अंग्रेजी भाषा पढ्नेलाई प्राथमिकता दिने गरेको पाइएको छ । यो कार्य तत्काल बन्द गर्न क्रान्तिकारीका अध्यक्ष डिवि शाहीले चेतावनी दिनुभएको छ ।
यस्तै विद्यालयमा कार्यरत शिक्षक तथा कर्मचारीहरुले निजी र अन्य शिक्षण संस्थामा गएर लगानी गर्ने गरेको पाइएको भन्दै त्यस्तो कार्य रोक्न पनि ज्ञापनपत्रमा भनिएको छ ।
त्यस्तै विद्यालयले उपलब्ध गराउने छात्रवृत्तिलाई पारदर्शी गराउनुपर्ने, विद्यालयमा अनिवार्यरुपमा नागरिक वडापत्रको व्यवस्था गर्न पनि माग गरिएको छ ।
Discussion about this post