बाँके असोज १ गते ।
बाँकेमा लागुअौषध कारोवारी नियन्त्रण गर्ने जिम्मेवारी लिएको लागुअौषध व्यूरोको टोली अवैध अशुलीमा सक्रिय भएको पाइएको छ । पावरमा व्यूरो नियन्त्रण लिएका सइ प्रेम अधिकारीले अशुली धन्दा चलाइरहेका तथ्यहरु सार्वजनिक भइरहेका छन् ।
जमुनाह नाका र आसपासमा बस्दै आएका यी व्यूरोका पुलिसले साना, मझौला तथा ठुला व्यवसायी, तस्कर, दलालबाट रकम असुल्दै आएको खुलेको हो ।
दिनभरी घुमेर तास खेलेर, जाडरक्सी खाएर मोजमस्तीको जागिर गरिरहेका उनीहरू यतिबेला अशुलीधन्दामा लागेको उनीहरूकै समकक्षी बताउँछन ।
लागू औषध नियन्त्रण ब्युरोले सादा पोसाकको फाइदा उठाउदै सिमावर्ती रुपैडिहा बजारबाट घरायसी प्रयोजनको लागि किनमेल गरेर ल्याएको सामान सादा पोसाकमा रहेका ब्युरोले चेकजाँच गर्ने बहानामा डराइ धम्काइ अशुलीमा सक्रिय भएको स्थानीयहरुले गुनासो गरेका छन ।
अधिकारी उनी आफ्नो जिम्मेवारी र पदको दुरुपयोग गर्दै अशुलीमा लागेका छन् । लागु औषध नियन्त्रण व्यूरोले सुराकीमा युवाहरु परिचालन गर्ने गर्छ । सुराकीको आशमा लागू औषध नियन्त्रण गर्ने प्रयास गरे त पनि उनकै सुराकी ठूलो डिलर रहेको तथ्य फेला परेको छ ।
ती सुराकीलाइ केही बर्ष अघि प्रहरीले आगु औषधमा पक्राउ गरेको थियो । सुराकी भनेर प्रहरी कै मिलोमतोमा छाडिएको थियो ।
अहिले ती सुराकी एक युवती लाई प्रयोग गरेर ठूलो परिणाममा लागू औषधको धन्धा चलाइरहेको स्रोतले बताउँछ । ब्युरोले खासगरी धनाड्य परिवारका छोराछोरीसँग सेटिंग गर्ने गर्छन् । यसो गर्दा मोटो रकम आउँछ । उनीहरुलाई सहजै रुपैडिहा जान दिने गरेका छन् ।
व्यूरोको टोली कमाउ धन्दामा लागेपछि जमुनाह नाकाबाट धमाधम लागु औषध कारोवारी तथा प्रयोगकर्ताहरुले नेपालगन्जमा लागु औषध भित्र्याइरहेका छन् । प्रहरीले त्यस्ता कारोवारी तथा प्रयोगकर्तालाई नेपालगन्जमा पक्राउ गर्ने गरेको छ ।
सादा पोसाकमा नाकामा घुमुवा टोली अहिले छैन् । त्यसको फाइदा ब्यूरो टोलीले उठाइरहेको छ । ब्युरोका सइ अधिकारीले गतिलै रकम झवाम पारिरहेका छन् ।
व्यूरोमा लामो समयदेखि रजाइ गर्दै आएका छन सइ अधिकारी । सेटिंगको सम्पूर्ण वातावरण यिनै अधिकारीले मिलाउने गरेका छन् । बाँके बर्दियामा व्यूरोको कमाण्ड प्रहरी निरीक्षण प्रकाश केसीले गर्दै आएका छन् ।
केसीलाई हातमा लिएर अधिकारीले कमाउ धन्दामा क्रियाशील छन् । उनकै मातहतमा रहेका एकजना सहकर्मीले भने केसी सावलाई हातमा लिएर अधिकारीले ढुटे कमाई रहेका छन् । फाइल तस्वीर
Discussion about this post