आफ्नो ११ महिने कार्यकालमा महत्वपूर्ण कार्य: एसपी पौडेल

खोजखबर संवाददाता

बाँके असार ११ गते । जिल्ला प्रहरी कार्यालय बाँकेमा ११ महिना आफ्नो कार्यकाल समाप्त गरी सरुवा भएका एसपी अरुण पौडेलको विदाई र नयाँ सरुवा भई आएका एसपी विर बहादुर वलीको स्वागत गरिएको छ।

विदाई भई जान लागेका एसपी पौडेल ११ महिनाको दौरानमा बाँके जिल्लामा आफुले गरेका महत्वपूर्ण कामको बारे चर्चा गर्दै सन्चारकर्मीले गरेको सहयोगको प्रसंशा गर्दै भोलिका दिनहरुमा मिडियाकर्मीसँग सम्बन्ध अझै मजबुद बनाउने भन्दै विदा लिनु भएको छ ।
यस्तै प्रदेश नम्बर ५ को गणबाट सरुवा भइ आउनु भएका एसपी वलीले बाँके जिल्ला नौलो नभएको बताउँदै जिल्ला भित्र लागु औषध, तस्करी लगायत सद्भाव बिथोल्ने कार्यमा संलग्नको लागि कडाईका साथ अगाडि बढ्ने बताउनु भयो । एसपी वली १० वर्ष तालिममा काम गरी सकेको, जिल्ला ट्राफिक प्रहरी बाँकेको प्रमुख, काठमाडौं विमानस्थलमा कार्य गरीसकेको कारण उहाँलाई सबै प्रकारको अनुभव भएको कारण पनि सहज रुपमा कार्यकाल पूरा गर्ने विश्वास लिएको छ ।
करिब ८० प्रतिशतभन्दा बढी संचारकर्मीहरुसँग राम्रो सम्बन्ध भइसकेको कारण पनि संचारकर्मीहरुबाट भोलिका दिनमा ठुलो सहयोग बताउँदै एसपी वलीले पुनः सहयोगको अपेक्षा राख्दै अनुरोध समेत गर्नुभयो । बुधबार मात्र जिल्ला प्रहरी कार्यालय, बाँकेको जिम्मेवारी सम्हाल्नु भएका एपसी वलीले भावी रणनीति बारे योजना बनाउने र छिट्टै नै मिडियामार्फत सार्वजनिक गर्ने बताउनु भयो ।

पत्रकारहरुसँग भेटघाट पुर्व विभिन्न प्रहरी इकाई कार्यालयका इन्चार्जहरुलाई भेटघाट र संगठनको नीति नियम अनुसार काम अगाडि बढाउने कडा निर्देशन समेत दिनु भएको थियो । बाँके जिल्लालाई राम्रोसँग घुलमिल हुनुको साथै स्थानिय जनतासँग राम्रो पकड भएका कारण विभिन्न प्रहरी इकाई कार्यालय अहिले अन्यौलमा परेको बताइएको छ । जागिर पछि बाँके जिल्लामा नै बस्नु पर्ने भएकोले स्थानिय जिल्लामा जनतालाई एकआपसमा भाईचाराको नीति अपनाई सबैलाई मिलाएर लैजाने कुरामा जोड दिँदै केही दिनमा जिल्लाका बासिन्दाहरुसँग पनि भलाकुसारी गर्दै स्थानिय समस्या
बारे ध्यान दिने बताउनु भएको छ ।

त्यसै गरि बाँके सुनचाँदी तथा गहना व्यवसायी संघ कोहलपुर बाँकेको आयोजित बिदाई तथा स्वागत कार्यक्रममा बोल्दै एसपी पौडेलले आफ्नो ११ महिने कार्यकालमा महत्वपूर्ण कार्य गरेको भन्दै उक्त कार्यमा साथ र सहयाेग गर्ने सवैलाई विशेष आभार प्रकट गरे ।
एसपी पौडेलले हेमकार हत्याकाण्डमा संलग्नलाई पक्राउ गरेको लगायतको अपराध अनुसन्धानमा थुप्रै कामहरु गरिएको स्मरण गरे । बिदाई तथा स्वागत कार्यक्रममा सम्मान पत्र र मायाको चिन्न दिएर बिदाई कार्यक्रम सप्पन्न भएको थियो ।