बाँके असोज २४ गते ।
नेपालगन्जको राँझा एअरपोर्टमा आज तालिम प्राप्त कुकुरसहितको विशेष चेकजाँच गरिएको छ । विमानस्थलबाट वाहिरिने र भित्रिने सबैलाई नेपाल प्रहरीको तालिम प्राप्त कुकुर लभ र व्यूटीले चेकजाँच गरेका हुन् ।
यसअघि हिंजो जमुनाह नाकामा चेकजाँच गरिएको थियो ।
लभ र ब्यूटीले भारतबाट विमानस्थलमा मानिस, सवारी साधनलाई चेकजाँच गरेका थिए ।
चाडपर्वको मौकामा अपराधिक घटना हुन सक्ने आंशकामा प्रहरीले विभिन्न रणनीति बनाएर चेकजाँचलाई तीब्र पारेको छ ।
दुई वटा तालिम प्राप्त कुकुर लिएर प्रहरी निरीक्षक बासुदेव सुवेदी राँझा पुग्नुभएको थियो ।
राँझा विमानस्थलमा खटिएका प्रहरी नायब निरीक्षक सन्तोष शाहले चेकजाँचमा सघाएका थिए ।
चाडपर्वलाई लक्षित गरेर बाँके प्रहरीले विशेष सुरक्षा योजना लागु गरेको छ ।
भोलि वसपार्कमा कुकुरसहितको छड्के चेकजाँच गर्ने तयारी भइरहेको पनि प्रहरीले जनाएको छ ।
Discussion about this post