बाँके मंसिर २६ गते ।
नेपालगन्ज र रुपैडिया जोडिएका बजार हुन् । वारि नेपालगन्ज बजार । पारि रुपैडिया बजार । सीमा पार गर्ने वित्तिकै रुपैडिया पुलिस थाना आउँछ । त्यही थाना अगाडी दैनिक जाम लाग्ने गरेको छ । थाना अगाडीको बाटो किलियर हुनुपर्नेमा झन दैनिक जाम हुने गरेको छ ।
यसको कारण हो भारती पुलिसको कमाउ धन्दा । कस्टम पास नभएको लोडेड गाडीलाई भारतिय पुलिसले ५०÷१०० रुपैयाँ लिएर पठाउने गरेका छन्। जस्का लागि उनीहरुले गाडीको लाइन लगाउने गरेका छन् ।
थाना अगाडि अवैध रुपमा सवारीसाधन चल्ने गरेको छ । थाना अगाडि मानिसहरुले अवैध रुपमा टुर एण्ड ट्राभल्स खोलेका छन् । यो चार लेनको राष्ट्रिय राजमार्गमा जामका कारण मानिसहरु घण्टौंसम्म जाममा फसेका हुन्छन् ।
अनि पुलिस मूक दर्शक बनेर हेरिरहेको हुन्छ । तर, जामबाट सर्वसाधारणले राहत पाउन सकेका छैनन् । राणा पेट्रोल ट्याङ्कीदेखि रुपैडिहा पुलिस थानाको मुख्य गेटसम्म जामको समस्या हुने गरेको छ ।
जबकि यस मार्गमा धेरै विद्यालयहरू पनि छन्। विद्यार्थी आउने–जाने, जामका कारण विद्यालयका बालबालिका पनि फसेका हुन्छन् । थाना अगाडि रिक्साको भीड लागेको हुन्छन् । नेपालबाट आउने यात्रुहरु शीत बढी भाडा उठाउनको लागि रिक्सा चालकहरु बेवारिसे अवस्थामा रिक्सा राखेर उभिने गर्छन् पुलिसलाई पनि महिना वारि हुन्छ ।
मानिसहरुलाई पैदल हिड्न पनि निकै समस्या भइरहेको छ । कहिलेकाहीँ जिल्लाका एसपी र डीएम यहाँ आउने गर्छन् । यो समस्याको व्यवस्थापन रुपैडिहा आदर्शनगर थानाले गर्नुपर्ने हो । तर आदर्शनगर थाना निकम्वा जस्तै बनेको छ ।
Discussion about this post