बाँके मंसिर २७ गते ।
बाँकेको सशस्त्र प्रहरीले भ्यानसहित ठुलो परिमाणमा भारतबाट अवैध रुपमा भित्र्याइएको लेडिज ब्रा बरामद गरेको छ।
सशस्त्र प्रहरी बल नेपाल नम्वर ३० गण हेडक्वाटर बागेश्वरीले १३ लाख बढीको भ्यानसहित लेडिज ब्रा बरामद गरेको हो ।
सशस्त्र प्रहरी नायव निरीक्षक भुपेन्द्र रोकायको कमान्डमा खटिएको टोलीले जानकी गाउँपालिकास्थित खजुरा खुर्दबाट सोमवार भे १ च २६३९ नम्बरको भ्यानसहित १६६९ दर्जन लेडिज ब्रा बरामद गरेको सशस्त्र प्रहरी उपरीक्षक अशोक कुमार बमले जानकारी दिनुभयो ।
उपरीक्षक बमका अनुसार बरामद गरिएको लेडिज ब्रा को मूल्य करिब ८ लाख १ हजार १ सय २० रुपैयाँ र तस्करी गर्न प्रयोग गरिएको भ्यानको मूल्य ५ लाख रुपैयाँ गरि १३ लाख १ हजार १ सय २० रुपैयाँ बराबर रहेको छ।
बरामद गरिएको लेडिज ब्रा र भ्यान आवश्यक कारबाहीका लागि नेपालगञ्ज भन्सार कार्यालयमा बुझाइएको पनि उपरीक्षक बमले बताउनुभयो ।
Discussion about this post