बाँके पुस १२ गते ।
नेपालगन्जमा उद्योग व्यापार महोत्सव लाग्ने भएको छ । नेपालगन्ज उद्योग बाणिज्य संघले व्यापार मेला लगाउने औपचारिक निर्णय गरेसँगै व्यापार महोत्सव लाग्ने निश्चित भएको हो ।
यही माघ १५ गतेदेखि मेला लगाउने निर्णय भएको उद्योग बाणिज्य संघका महासचिव चिरञ्जीवि ओलीले जानकारी दिनुभयो । महोत्सव २५ गतेसम्म लगाउनेगरी तयारी सुरु गरिएको छ ।
कोरोना भाइरस महामारीका कारण विगत दुई वर्षदेखि नेपालगन्जमा व्यापार महोत्सव लागेको छैन् । अब्दुल वाहिद मन्सुरीले संघको नेतृत्व लिएसँगै भाइरस संक्रमणको महामारी फैलिएकाले संघले उद्योगी व्यवसायीको क्षेत्रमा उल्लेखनिय काम गर्न सकेको छैन् ।
महोत्सवकै तयारी गर्नु पर्ने भएकाले संघले आफ्नो साधारणसभा समेत तत्कालका लागि स्थगित गर्दै यही पुष १७ गते स्थापना दिवसमात्रै मनाउने निर्णय गरेको महासचिव ओलीले बताउनुभयो ।
ADVERTISEMENT
Discussion about this post