बाँके पुस २१ गते ।
बाँकेको कोहलपुर प्रहरीले प्रतिबन्धित माछा नियन्त्रणमा लिने अभियान सुरु गरेको छ । मानिसको स्वास्थ्यमा प्रतिकूल असर पर्ने प्रतिबन्धित मुगुरा तथा अन्य जातका माछाहरु नियन्त्रणमा लिने अभियान सुरु गरिएको कोहलपुरका डिएसपी रविन्द्र खनालले जानकारी दिनुभयो ।
उहाँका अनुसार, यसैक्रममा प्रहरीले मदन चोक, साँझालगायतका स्थानबाट करिव दुई सय किलो प्रतिबन्धित माछा बरामद गरेको छ ।
अवैध माछाको आयात बढेको व्यापारी तथा मत्स्यपालक किसानहरुबाट गुनासो आएपछि प्रहरीले माछामा निरागनी बढाएको हो ।
स्वास्थ्यमा प्रतिकूल असर पार्ने र विक्री वितरण समेत गर्न नमिल्ने माछा भारतबाट ल्याउने गरेको जनगुणासो छ । जस्ले गर्दा यहाँका किसानहरु मारमा समेत पर्दै आएका छन भने उपभोक्ताहरु पनि अस्वस्थकर माछा उपभोग गर्न बाध्य भएका छन् ।
ADVERTISEMENT
Discussion about this post