बाँके पुस २४ गते ।
बैतडीबाट अपहरणमा परेका भनिएका शिक्षकको बाँकेको राप्ती नदी किनारबाट उद्धार गरिएको छ ।
बैतडीको सुर्नया गाउँपालिकाका २३ वर्षीय अस्थायी शिक्षक हरिश अवस्थीलाई गएराती डुडुवा गाउँपालिका वडा नम्बर–४ कम्दीस्थित राप्ती नदी किनारबाट उद्धार गरिएको बाँकेका प्रहरी उपरीक्षक श्यामकृष्ण अधिकारीले जानकारी दिनुभयो ।
बिहिबार साँझ तपाईसँग भेट्नुपर्ने थियो भनी स्थानीय तिर्थराज अवस्थी र अम्भादत्त अवस्थीले भेट गर्ने बहानामा बिप्लप माओबादीको नाममा रहेका अन्य ६ जना समेत मिलेर आफुलाई नियन्त्रणमा लिएर अपहरण गरि बाँकेको राप्तीसोनारीमा रहेको पुल नजिक रहेको एक शौचालयमा थुनेको भनेर शिक्षक हरिश अवस्थीको फेसबुक स्टाटस सार्वजनिक भएपछि हरिशका आफन्तले तुरुन्तै गृहमन्त्रालयलाई गुहार मागेका थिए ।
लगत्तै बाँके प्रहरी अप्रेशनमा उत्रिदा शिक्षकलाई अचेत अवस्थामा उद्दार गरिएको उपरीक्षक अधिकारीले बताउनुभयो । बाँके प्रहरीले अपहणकारी बिरुद्धको शर्च अप्रेशन अन्तरगत चेकजांच तथा खोजतलास अभियान सञ्चालन गरेको छ ।
Discussion about this post