बाँके माघ ४ गते ।
बाँके प्रहरीले ६ महिनाको अवधिमा ८८ जना लागू औषध कारोवारीलाई पक्राउ गरेको छ । जिल्ला प्रहरी कार्यालय बाँकेले आज नेपालगन्जमा पत्रकार भेटघाट कार्यक्रमको आयोजनागरी चालू आर्थिक वर्षको साउनदेखि पुष महिनासम्म ८८ जना कारोवारी पक्राउ गरेको जानकारी दिएको हो ।
प्रहरी प्रवक्ता डिएसपी मधुसूदन न्यौपानेका अनुसार ती व्यक्तीहरुबाट दुई सय ६५ ग्राम ६ सय १० मिलिग्राम ब्राउन सुगर, चार किलो तीन सय ७५ ग्राम चरेश, तीन हजार पाँच सय ४३ ट्याब्लेट नाइट्रोजेपाम, छ सय लिटर कोरेक्स, २० ग्राम गाँजा र १ हजार चारसय ३० ट्याब्लेट ट्रमाडोल बरामद गरिएको छ ।
बरामद गरिएको लागु औषध पत्रकारहरुकै उपस्थितिमा आज नष्ट गरिएको छ । त्यस्तै पाँच लाख ११ हजार नगद समेत उनीहरुबाट बरामद भएको उहाँले बताउनुभयो । यस्तै यो अवधिमा एक सय ३९ जना फरार अभियुक्तलाई समेत पक्राउ गरिएको छ ।
उनीहरुबाट ३७ लाख ९९ सय हजार पाँच सय १४ रुपैयाँ जरिवाना असुल समेत गरिएको छ । बाँके प्रहरीले भन्सार चोरी पैठारी गरिएको ठूलो सामान समेत बरामद गरेको छ ।
चार करोड ३६ लाख २६ हजार छ सय आठ रुपैयाँ बराबरको अवैध सामानसहित २७ जना तस्कर पक्राउ परेको एसपी श्यामकृष्ण अधिकारीको भनाइ छ । प्रहरीले यो अवधिमा पाँच सय ३७ मुद्दामा छ सय ७४ जनालाई पक्राउ गरी कारवाही गरिएको छ ।
प्रहरीले भन्सार चोरी पैठारी, सुन तस्करलाई कारवाही, ट्राफिक जरिवाना, नदीजन्य पदार्थ उत्खन्न्, जुवातास कारवाही, काठ तस्करी कारवाहीलगायतबाट नौं करोड ३९ लाख, ९३ हजार आठ सय सात रुपैयाँ राजश्व संकलन भएको छ ।
जवकी अघिल्लो आर्थिक वर्षको यो अवधिमा दुई करोड ७५ लाख ३४ हजार सात सय ३८ रुपैयाँमात्रै राजश्व संकलन भएको थियो ।
Discussion about this post