बाँके चैत २४ गते ।
अयुव सिद्दिकीले फेरि अध्यक्षमा उम्मेदवारी घोषणा गरेका छन् । नेपालगन्ज उपमहानगरपालिका–३ का वडाअध्यक्ष सिद्दिकीले फेरि अध्यक्षमा उम्मेदवारी दिने घोषणा गरेका छन् ।
उनी नेकपा माओवादी केन्द्रबाट निर्वाचित भएका थिए । उनले यो पाँच वर्षको अवधिमा पूर्वाधार विकासमा जोड दिएको बताए । उनले अहिले आफ्नो वडामा पिपिसी बाटो सबै ठाउँमा पुगेको बताए । ढल निकासको समस्याबाट झेल्दै आएका स्थानीयले त्यहाँबाट राहात पाएको बताए ।
आफु निर्वाचित भएर आएपछि सडक र ढल समस्या हल भएको बताए । मधेशी र मुस्लिम समुदायका बालबालिकालाई शिक्षामा पहुँच बढाउन आफ्नो नेतृत्वमा प्रभावकारी काम गरिएको बताए । ती बालबालिकाहरुलाई शिक्षामा पहुँचमा ल्याउन निःशूल्क साइकल वितरण गरिएको बताए ।
यस्तै आफ्नो वडाबासीका विपन्न समुदायका व्यक्तिलाई रोजगारीमा समाहित गर्न अटो रिक्सा समेत वितरण गरिएको बताए । उपमहानगरपालिकाका २३ वटै वडामध्ये वडा नम्वर ३ मा विकास निर्माणमा ८५ प्रतिशत काम सम्पन्न भएको उनको भनाइ छ ।
उनले बाँकी काम पूरा गर्न र वडाबासीलाई सेवा दिन आफु फेरि वडाअध्यक्षमा लड्न लागेको बताए ।
Discussion about this post