काठमाडौं बैशाख ५ गते ।
चुनावी तयारीको विषयमा छलफल गर्न नेकपा एमालेले केन्द्रीय सचिवालय बैठक बोलाएको छ । आज बेलुकीपख तुलसीलाल स्मृति भवन च्यासलमा बस्ने बैठकमा घोषणापत्र र उम्मेदवार छनोटबारे छलफल हुने प्रचार विभाग उपप्रमुख विष्णु रिजालले जानकारी दिनुभयो ।
केन्द्रले टुङ्गो लगाउने ६ महानगर र ११ उपमहानगरपालिका सबैमा एमालेले उम्मेदवार सिफारिस गरिसकेको छ । सिफारिस भएका उम्मेदवारको समीक्षा र बाँकी रहेकामा कसलाई पठाउनेबारे बैठकमा छलफल हुनेछ ।
यसैगरी कम्युनिस्ट दिवसका दिन वैशाख ९ गते सार्वजनिक गरिने घोषणापत्रमाथि पनि छलफल गरेर अन्तिम रुप दिइने एमालेले जनाएको छ।
ADVERTISEMENT
Discussion about this post