बाँके बैशाख १७ गते ।
नेपालगन्ज उपमहानगरपालिकाका उपप्रमुख पदका उम्मेदवार कमरुद्दिन राइले आफ्नो चुनावी अभियानलाई तीब्र पारेका छन् । नेपाली काँग्रेस र जसपाबीचको चुनावी गठबन्धनबाट उपप्रमुख पदमा चुनावी प्रतिस्पर्धामा उत्रिएका राइले नगरक्षेत्रमा चुनावी अभियानलाई सशक्त बनाएका हुन् ।
यसअघि पनि जनतामाझ पुगिरहने उनी पछिल्ला दिनमा भने उपप्रमुखमा मतदान गर्न अपिलसहित घरघरमा पुगिरहेका छन् ।
आज उनी जयसपुरमा मुस्लिम समुदायसँग रोजा अफ्तारमा सहभागी भए ।
राइले त्यसक्रममा मतदाताहरुसँग मत मागेका थिए । उनले नेपालगन्जको विकास र सम्बृद्धिका लागि आफु उपप्रमुखमा चुनाव लडेको बताएका थिए ।
मुस्लिम समुदायबाट प्रतिनिधित्व गरेर स्थानीय सरकारको नेतृत्वमा जान आफु चुनावी प्रतिस्पर्धामा उत्रिएकाले सहयोगको अपिल गरे । मतदाताहरुपनि राइप्रति उत्साहीत देखिएका छन् ।
चुनावको मिति नजिकिदै गर्दा नेपालगन्जमा राइप्रतिको साथ र समर्थन थपिँदै गएको छ । नेपालगन्ज उपमहानगरपालिका–१५ जयसपुरमा मधेशी तथा मुस्लिम समुदायका बालबालिका शिक्षाबाट बञ्चित छन् । आफु निर्वाचित भएपछि शैक्षिक गुणस्तरका लागि पहल गर्ने प्रतिबद्धता जनाएका छन् ।
Discussion about this post