बाँके बैशाख १८ गते ।
जनता समाजवादि पार्टी जसपाबाट नेपालगन्ज उपमहानगरपालिका–२ का वडा अध्यक्ष पदका उम्मेदवार वाहिद हुसेन हल्वाईप्रति वडाबासीको सद्भाव बढेको छ ।
आफ्नो चुनावी अभियानका क्रममा हुसेन घरघरमा पुग्न थालेका छन। समाजसेवी तथा मिलनसार हुसेनले घरदैलो अभियानका क्रममा आफ्ना चुनावी एजेण्डा राख्दै आएका छन् । उनले आफ्नो वडालाई सम्बद्ध बनाउने प्रतिबद्धता नाउँदै आएका छन् ।
कोरोना महामारीमा स्थानीयबासीको जीवन रक्षाका लागि महत्त्वपूर्ण भुमिका निर्वाह गरेका हुसेनले आफू निर्वाचित भए ढल निकास र बाटोघाटो समस्यलाई समाधान गर्ने बताएका छन् । शिक्षा र स्वस्थ्य आफ्नो पहिलो प्राथमिकता रहेको पनि उनको भनाइ छ ।
अघिल्लो निर्वाचनमा निर्वाचित जनप्रतिनिधिले वडाको हितमा काम नगरेकाले आफू निर्वाचित भए वडालाई नमुना बनाउने उनको भनाइ छ । घरदैलोका क्रममा मतदाताहरुले शिक्षा, स्वास्थ्य, रोजगारी लगायतका विभिन्न सवालमा आवाज उठाउने गरेका छन् ।
Discussion about this post