बाँके बैशाख २२ गते ।
राप्रपाका तर्फबाट नेपालगन्ज उपमहानगरपालिकामा मेयर पदका उम्मेदवार नन्दलाल वैश्य लगायत अन्य वडा अध्यक्ष र सदस्य पदका उम्मेदवारहरुले आफ्नो चुनावी घरदैलो कार्यक्रमलाई व्यस्त बनाएका छन्।
मेयर पदका उम्मेद्बार नन्दलाल वैश्य लगायतका वडा अध्यक्ष पदका उम्मेद्बार र सदस्य पदका उम्मेदवारहरु मतदाता शिक्षा सहित चुनावी घरदैलोमा व्यस्त छन् ।
विकासको योजना छनोट र कार्यान्वयन समुदायको सहभागिता तथा सहकार्यबाट गरिने, नगर भित्र रहेको सम्पूर्ण धुले सडक ग्राबेल गरिने र ग्राबेल सडकहरुको कालोपत्रे गरिने डुबानको समस्या समाधान र ढल निकासको समस्यालाई व्यवस्थीत बनाउने र नेपालगन्जलाई स्मार्ट शहरको रुपमा बिकसित बनाउने नेपालगन्ज उपमहानगरपालिकाका मेयर पदका उम्मेदवार बैश्यको योजना छ ।
नेपालगन्ज बाँके जिल्लाको सदरमुकाम मुटु मानिएता पनि नेपालगन्ज उपमहानगरपालिका भित्र वडा नम्बर २२,२३ र २१ नम्बर वडाहरुलाई बिकट वडा मान्ने गरिएको छ।
त्यसैले ती पछाडी परेका र पारिएका वडाहरुको वकालत गर्दै गरिव तथा जेहेन्दार बिद्यार्थीलाई छात्रवृत्ति प्रदान गरिने, नगरका सम्पुर्ण टोलहरुमा फ्रि वाईफाई र नगरपालिका भित्र हुने सम्पूर्ण गतिविधिको निगरानीका लागि हरेक चोक चोकमा सिसिटीभी क्यामेरा जडान गरिने कृषि र पर्यटनलाई सङ्गसङ्गै जोडेर हजारौ बेरोजगार युवालाई स्वरोजगार तिर आकर्षित गराउने योजना रहेको उनले बताए।
आफुले निश्वार्थरुपमा सेवा गर्ने भएका कार नेपालगन्जका स्थानिय जनताले मतदान गर्नेमा आफू आसाबादी रहेको उनले सुनाए। जनताको आसा र भरोसा मानिएका बैश्यले जनता सामु गरिएका चुनावी प्रतिबद्धता पुरा गर्न कुनै कसर बाँकि नराख्ने उनको भनाइ छ ।
Discussion about this post