बाँके जेठ १० गते ।
नेपालगन्ज उपमहानगरपालिका वडा नं. १८ का जनप्रतिनिधिहरुले पदभार ग्रहण गरेका छन् । यही बैशाख ३० गते भएको स्थानिय तहको निर्वाचनमा निर्वाचित जनप्रतिनिधिहरुलाई मंगलवार एक कार्यक्रमका विच स्वागत तथा पदभार ग्रहण गरिएको हो ।
नेपालगन्ज १८ को आयोजनामा भएको स्वागत, पदभार तथा २०७४ सालका जनप्रतिनिधिलाई विदाई कार्यक्रममा वडा अध्यक्ष दिपक बर्माले नेपालगन्ज उपमहानगरपालिका वडा नं. १८ लाई नगर कै नमुना वडा बनाउन जुन योगदान ५ बर्षमा गरेर जनतालाई देखाएको थिए त्यही रफ्तारमा पुन काम गर्ने थप उर्जा मिलेको उहाँले जानकारी गराउनुभयो ।
वडामा शिक्षा, स्वास्थ्य, खानेपानी, कृषि, खेलकुद लगायतमा बढि प्रथामिकता दिई कार्य अगाडी बढाउने उहाँले बताउनुभयो । स्वागत तथा पदभार कार्यक्रमको अध्यक्षता वडा नं. १८ का कार्यबाहक अध्यक्ष बुद्धिलाल चमारको अध्यक्षतामा भएको कार्यक्रममा एमालेका जिल्ला इन्चार्ज तथा केन्द्रिय सदस्य सूर्य ढकाल र सेम शाक्य लगायत सहभागी हुुनुहुन्थ्यो ।
Discussion about this post