बाँके जेठ ११ गते ।
बाँकेमा रहेका प्रहरी हिरासतहरू दिनप्रतिदिन असुरक्षित देखिएका छन । जिल्ला कारागार मात्रै नभई जिल्ला पुलिसमा रहेको हिरासतसँगै कोहरपुरको हिरासत पनि उत्तिकै असुरक्षित देखिएको छ ।
कारागारमा केही दिनअघि गैर थुनुवा भेटिएको घटना सेलाउन नपाउदै कोहलपुरको पुलिस हिरासतमा एक थुनुवा झुण्डिएको अबस्थामा भेटिएका छन ।जबरजस्तीकरणी मुद्दामा हिरासतमा रहेका कोहलपुर नगरपालिका १२ का ४७ बर्षिय कृष्णलाल कवर हिरासतको शौचालयमा झुण्डिएको अबस्थामा लास फेला परेको छ ।
सुरक्षाको हिसावले मजबुद मानिने कारागार र हिरासतहरू यतिबेला पुलिसकै उदासिनता, लापरवाही र गैरजिम्मेवारीले असुरक्षित भैरहेका छन । हिरासतमै रहेका थुनुवाले झुण्डिएर ज्यान गुमाउनुको पछाडी यहाँका हिरासतमा डियुटी गर्ने सुरक्षाकर्मीदेखि कमाण्डरको लापरवाही र हिरासत नै अव्यवस्थित हुँदा असुरक्षित भएको प्रष्ट देखिएको छ ।
हिरासतमा थुनुवाको शंकास्पद मृत्युका घटनाले प्रहरीको सुरक्षा घेरामाथि बारम्बार प्रश्न उठने गरेको छ । प्रहरी हिरासतको सुरक्षा लामो समयदेखि बहसमा छ । तर, पटक्कै सुधार हुन नसकेको बाँकेमा भेरहेका केही घटनाले देखाउँछन् ।हिरासतको सुरक्षा राष्ट्रिय मात्र होइन, अन्तर्राष्ट्रिय मुद्दा नै हो ।
हिरासतमा थुनुवाको मृत्युलाई लिएर अमेरिका, बेलायतलगायत मुलुकले सम्बन्धित प्रहरी एकाइ र अधिकृतलाई कालोसूचीमै राख्दै आएका छन् । तर पनि नेपालमा प्रहरी अधिकारीले चेतेको पाइँदैन । हिरासतमा शंकास्पद मृत्युका कतिपय घटनामा त शंकाको सुई प्रहरीतिर नै सोझिँदै आएको छ ।
यसअघि पनि प्रहरी हिरासतमा रहेका थुनुवाले आत्महत्या गरेका धेरै घट्ना छन् ।यसअघि २०७७ साल मंसिरमा जिल्ला प्रहरी कार्यालयमा बाँकेको हिरासतमा रहेका थुनुवा वनकटीका बाबुलाल रैदासले आत्महत्या गरेका थिए ।
उनी त एउटा पात्र मात्रै हुन बाँकेमा यस्ता घटना विगतमा पनि धेरै भएका रेकर्ड छन । तर,बाँके पुलिस र यहाँका हिरासतमा सुधार आएको देखिदैन ।प्रहरीको थुनुवा कक्ष सुरक्षित हुनुपर्छ यो वा त्यो बहानमा त्यहाँको मृत्युलाई सामान्य मान्न सकिन्न जानकारहरू भन्छन ‘बाँकेमा विगतको झै यतिबेला पनि यसप्रकारका घट्ना दोहोरिन थालेका छन् ।
प्रहरीले हिरासतमा हुने मृत्युका घट्नालाई प्रायः आत्महत्याकै राखिदिन्छ । प्रहरीकै हिरासत असुरक्षित बनेपछि प्रहरी कार्यालयप्रति सर्वसाधारणले प्रश्न उठाउन थालेका छन् ।’यस्ता घटना भैरहदा आमनागरिकले प्रहरीको हिरासत कक्षलाई असुरक्षित महशुस गर्नु स्वाभाविक देखिएको छ ।
तर, अधिकांश घटनामा आत्महत्या देखिएकाले प्रहरीको हिरासत कक्ष थुनुवाको सुरक्षाको पाटोमा एकदमे फितलो देखिएको छ । बाँकेका हिरासतमा सुधारको प्रयास हुन सकेको छैन । जसले पटक पटक यस्ता घटना भैरहेका छन । यो विषय निकै गम्भीर बनेको छ पुलिसका एक उच्च अधिकारकर्मीले भने ‘प्रहरीले हिरासत कक्षलाई सुधार गर्ने प्रयास गरिरहेको छ ।’ तर, सुधार भएको देखिएको छैन ।
Discussion about this post