बाँके जेठ ११ गते ।
बाँकेमा स्थानीय तहमा कार्यपालिका अर्थात बोर्ड गठनको निर्वाचन प्रक्रिया सुरु भएको छ ।
नेपालगन्ज उपमहानगरपालिका, जानकी गाउँपालिका, राप्तीसोनारी गाउँपालिका र बैजनाथ गाउँपालिकामा बुधवार मनोनयन दर्ता भएको छ ।
यि पालिकामा १६ गते निर्वाचन हुनेछ । खजुरामा १२ गते मनोनयन दर्ता हुने र निर्वाचन १७ गते हुनेछ । नरैनापुरमा १७ गते मनोनयन दर्ता हुने छ भने २० गते मतदानको कार्यतालिक सार्वजनिक भएको छ ।
कार्यपालिका सदस्यमा वडामा निर्वाचित भएका महिला सदस्य मध्येबाट, सिमान्तकृत–अल्पसंख्यक र दलित समुदायबाट निर्वाचित गर्ने ब्यवस्था छ । कार्यपालिका सदस्यको निर्वाचनमा नवनिर्वाचित पालिका प्रमुख, उपप्रमुख, वडाअध्यक्ष र वडा सदस्यले मतदान गर्नेछन् ।
कार्यपालिका सदस्यहरु निर्वाचित भएपछि मात्र स्थानीय सरकारले पूर्णता पाउनेछ । नेपालगन्जमा काँग्रेस–माओवादी र राप्रपाबीच गठबन्धन बनेको छ । उपमेयर सहित ६ वडा अध्यक्ष सहित पहिलो स्थानमा रहेको जसपालाई किनारा लगाउदै कार्यपालिकाको निर्वाचनका लागि काँग्रेस, माओवादी केन्द्र र राप्रपाबीच गठबन्धन निर्माण गरिएको छ ।
नयाँ गठबन्धन अनुसार नेपालगञ्ज उपमहानगरको कार्यपालिका सदस्यहरुका लागि नेपाली काँग्रेसले ४ वटा जसमध्ये १ दलित अल्पसंक मध्यबाट १ र ३ निर्वाचित महिला सदस्यबाट, माओवादी केन्द्रले र राप्रपाले दलित अल्पसंक मध्यबाट १–१, निर्वाचित महिला सदस्यबाट १–१ जना पाउने भएको छ ।
यस्तै जानकी गाउँ कार्यपालिकामा नेपाली कांग्रेस र नेकपा माओवादी केन्द्रबीच तालमेल भएको छ । निर्वाचित महिला सदस्य मध्येबाट ३ जना र दलित÷अल्पसंख्यकबाट १ जना तथा माओवादीले निर्वाचित महिला सदस्य र दलित÷अल्पसंख्यकबाट १÷१ जना पाउने सहमति भएको छ ।
Discussion about this post