बाँके जेठ १४ गते ।
विश्व महिनावारी स्वच्छता दिवस आज नेपालगन्जमा सचेतनामुलक र्यालीसहितको कार्यक्रमगरी मनाइएको छ ।
बाँकेको युनेस्को क्लव, जिल्ला युवा क्लव संजाल, प्लान नेपाललगायतका संघसंस्थाको आयोजनामा र्यालीसहितको कार्यक्रम गरी दिवस मनाइएको हो ।
न्यूरोडबाट सुरु भएको र्यालीमा बोल्ने सहभागीहरुले महिनावारीका बिषयमा खुलेर बहस गर्नुपर्ने बताए । र्यालीपछि आयोजित कोणसभामा अधिकारकर्मी स्वयता गुरुङ, नमस्कार शाहलगायतका वक्ताहरुले महिनावारीका विषयमा देखिएका भ्रमहरु चिर्न आवश्यक रहेको बताउनुभयो ।
सामान्यतया किशोरी अवस्थामा प्रवेश गरेपछि महिलाहरुमा महिनावारी चक्र सुरु हुन्छ । महिनावारी चक्र महिला अनुसार २१ देखि ३५ दिनको फरकमा हुने गर्छ । महिनावारीको क्रममा महिलाहरुले सरसफाइमा ध्यान दिनु आवश्यक छ ।
महिनावारी हुँदा प्रयोग गरिने प्याडदेखि सरसफाइका क्रममा ध्यान नदिँदा यसले विभिन्न रोगको जोखिम पनि निम्त्याउन सक्छ । यो विषयमा घरपरिवारसँग खुलेर बहस गर्नुपर्ने बेला आएको सहभागीहरुको भनाइ थियो ।
Discussion about this post