बाँके जेठ १४ गते ।
नेपालगन्ज उपमहानगरपालिका–२ दैलेखी बंगलाका २० वर्षीय सुन्दर हरिजनको शव दस दिनदेखि अस्पतलामै छ । सुन्दरको शव नेपालगन्जस्थित मेडिकल कलेजमा राखिएको छ ।
रोल्पा कारागारमा बन्दी जीवन बिताइरहेका उहाँको शव जेठ ४ गते बुलेकी पौने सात बजे कारागारको शौचालयमा झुन्डिएको अवस्थामा परेको थियो ।
तर कारागारको रेकर्डमा नेपालगन्जका सुन्दर हरिजन सुर्खेत जिल्लाको बराहताल गाउँपालिका–१ का २७ वर्षीय विजयविक्रम शाहको नामबाट कैद भुक्तान गरिरहेको खुलेको थियो। यो घटनापछि कारागार व्यवस्थापन विभागले निर्देशक झरेन्द्र चापागाईंको संयोजकत्वमा गत आइतवार गठित पाँच सदस्य छानबिन समितिले नेपालगन्ज र रोल्पा पुगेर आवश्यक अनुसन्धान तथा छानबिन गरेको छ ।
समितिलाई १० दिनभित्र प्रतिवेदन बुझायन भनिएको छ । सुन्दर हरिजनलाई चोरी मुद्दामा १६ वर्षकै उमेरमा काराबास सजायको फैसला गर्ने जिल्ला अदालत बाँकेका तत्कालीन न्यायाधीशले पनि कानुनको बर्खिलाप हुने गरी निर्णय गरेको भन्दै आलोचना हुन थालेको छ। अधिकारकर्मीहरूले उनीहरूमाथि पनि छानबिन हुनुपर्ने माग राखेका छन्।
Discussion about this post