काठमाडौं जेठ १६ गते ।
पोखराबाट जोमसोमका लागि उडेको तारा एयरको जहाज मुस्ताङको थसाङ गाउँपालिका–२ को मुलखर्क भन्ने ठाउँमा दुर्घटनाग्रस्त अवस्थामा फेला परेको छ ।
मानापाथी हिमाल नजिकै मुलखर्कमा विमान दुर्घटनाग्रस्त अवस्थामा फेला परेको हो । दुर्घटनास्थलमा जहाज क्षतविक्षत देखिएकाे छ ।
यार्सा खोज्न गएकाहरूको टोलीले दुर्घटनाग्रस्त विमान देखेपछि प्रहरीलाई खबर गरेका थिए ।
पोखराबाट आइतबार बिहान ९ः५५ बजे जोमसोमका लागि उडेको तारा एयरको ९ एनएइटी जहाज बिहान १०ः०७ बजे जोमसोम विमानस्थलको टावरबाट सम्पर्कविच्छेद भएको थियो ।
जहाजमा चालक दलका तीन सदस्यसहित १९ यात्रु रहेका तारा एयरले जनाएको छ ।
जहाजमा सवार यात्रुको अवस्था के छ भन्ने जानकारी सुरक्षा निकायले दिएका छैनन् । अहिले सुरक्षा निकायको टोली त्यसतर्फ जादैछ ।
ADVERTISEMENT
Discussion about this post