मुगुमा यार्सा संकलन क्षेत्रमा २ जनाको मृत्यु

मुगु जेठ २१ गते ।
मुगुम कार्मारोङ गाउँपालिकाको यार्सा संकलन क्षेत्रमा लेक लागेर दुई दिनको फरकमा दुई जनाको मृत्यु भएको छ । मुगमा कार्मारोङ गाउपालिका–७ महगाउँका १६ बर्षका असल तामाङ र प्रहरी हवल्दार राजबहादुर सिंहको लेक लागेर मृत्यु भएको हो ।

तामाङ मांग्री गाउँस्थित बुद्ध माध्यमिक विद्यालय कक्षा ९ मा अध्यायरत हुनुहुन्थ्यो भने सिंह जिल्ला प्रहरी कार्यालयमा कार्यरत रहनुभएको थियो । सिंह यार्सा संकलकहरुको सुरक्षार्थ खटिनुभएको थियो ।

टाके पाटन क्षेत्रमा यार्सा टिप्न जानुभएका तामाङ लेक लागेर सिकित्स बिरामी भएपछि बोकेर गाउँतर्फ ल्याउँदै गर्दा छोटेचौर भन्ने स्थानमा मृत्यु भएको मुगुम कार्मारोङ गाउपालिका वडानं–७ का वडाअध्यक्ष शसांक लामाले जानकारी दिनुभयो ।

प्रहरी हवल्दार सिंहको कोइकी पाटनमा लेक लागेर मृत्यु भएको थियो । नेपाली सेनाको हेलिकप्टरबाट उद्धार गरी कोहलपुर शिक्षण अस्पतालमा पु¥याइएका उहाँको उपचारका क्रममा मृत्यु भएको जिल्ला प्रहरी कार्यालय मुगुका प्रमुख प्रहरी नायब उपरीक्षक सुवास हमालले बताउनुभयो ।