बाँके जेठ २२ गते ।
आइतबार कोेहलपुर क्रिकेट मैदानमा संचालित नेपालगन्ज क्रिकेट कप क्लबस्तरीय लिग प्रतियोगितामा कोहलपुर स्पोर्टस् एकेडेमीले ज्यागुआर क्रिकेट क्लबलाई ८ विकेटले हराएको छ ।
टस जितेर ब्याटिङ गरेको जागुअरले १३.५ ओभरमा सम्पूर्ण विकेट गुमाउँदै ४७ रन बनाउँदा कोहलपुरले ४.३ ओभरमा २ विकेटको क्षतिमा ५१ रन बनाएको थियो । ज्यागुआर लागि सद्धाव अन्सारीले २१ बलमा १ चौकासहित १४ रन बनाएका थिए । कोहलपुरका बलर दिपेन्द्र रावतले ४ ओभरमा ११ रन दिँदै ५ विकेट लिएका थिए ।
जवाफी ब्याटिङमा कोहलपुरमा अजय शाहनीले १३ बलमा ४ चौकासहित २३ रन बनाए । उक्त प्रतियोगितमा कोहलपुर एकेडेमीका दिपेन्द्र रावत प्लेयर अफ त म्याच घोषित भए । त्यस्तै आइतबार बिहान भएको खेलमा ज्योति स्पोर्टस् एकेडेमी ‘ए’ ले एचविए च्याम्पस्लाई १२ रनले हराएको छ ।
निर्धारित २० ओभरमा ४ विकेट गुमाउँदै ज्योतिले एचएसबिलाई १ सय ४८ रनको लक्ष्य दिएको थियो । एचविएले १६.३ ओभरमा सम्पूर्ण विकेट गुमाउँदै १ सय ३५ रन बनाउन सफल भएको थियो । ज्योतिले टस जितेर ब्याटिङ रोजेको थियो ।
प्रतियोगितामा ज्योतिका लागि रोहन केसीले ३२ बलमा ३ चौका र १ छक्कासहित ३४ रनको योगदान दिए । त्यस्तै सुनिल भण्डारीले १६ बलमा ४ चौकासहित २८ रन, सोम शर्माले १० बलमा १ चौका र १ छक्कासहित २० रन बनाए ।
एचएसबिका गम्भिर जंगमल्लले ३ ओभरमा ३३ रन दिँदै २ विकेट लिएका थिए भने आकास विष्ट र रबिश बर्माले १÷१ विकेट लिएका थिए ।
त्यस्तै जवाफी ब्याटिङमा एचविएका हर्शद भण्डारीले २४ बलमा ६ चौकासहित ३७ रन बनाए । साथै रबिश बर्माले १३ बलमा १ चौका र २ छक्काको मद्दतले २२ र कुनवार धनन्जया सिंहले १५ बलमा २ चौकासहित १९ रनको योगदान दिए । प्रतियोगितमा ज्योतिका सोम शर्माले पेल्यर अफ द म्याचको उपाधि हासिल गरे ।
लिगमा आठवटा टिमको सहभागिता रहेको छ । लिगमा प्रथम टिमलाई १ लाख, दोस्रो टिमलाई ५० हजारको पुरस्कार राखिएको छ । साथै म्यान अफ द म्याच, बेस्ट ब्याटर, बेस्ट बलर र म्यान अफ त सिरिजको पनि व्यवस्था रहेको छ ।
Discussion about this post