बाँके जेठ २३ गते ।
बाँकेको राप्तीसोनारी गाउँपालिकाका अधिकांस स्थानमा नदीजन्य सामाग्रीको अबैध घाटगद्दी फेला परेपछि कारवाहीको तयारी थालिएको छ ।
नदीजन्य सामाग्री उत्खनन् गरेर मनलाग्दो रुपले घाटगद्दी गरेको अनुगमनका क्रममा फेला पारेपछि कारवाही प्रक्रिया थालिएको हो । राप्तीसोनारीका विभिन्न वडामा नदीजन्य सामाग्री उत्खनन् गरी घाटगद्दी गरेको पाइएको छ ।
राप्तीसोनारी गाउँपालिका अध्यक्ष तप्तबहादुर पौडेल, उपाध्यक्ष मनिषासिंह थारुसहित वडाअध्यक्ष र कार्यपालिका सदस्य तथा कर्मचारी लगायतको संयुक्त टोलीले अनुगमन गर्दा यस्तो तथ्य फेला परेको हो । अनुगमनका क्रममा राप्ती सोनारीको अधिकांस वडाहरुको विभिन्न स्थानमा घाटगद्दी तथा क्रसर उद्योगको स्थलगत अनुगमन गरेको थियो ।
अनुगमनका क्रममा अधिकांस स्थानमा नदीजन्य सामाग्री अबैध रुपले उत्खनन र घाटगद्दी गरेको पाइएको हो । प्राविधिकले नापजाँच गर्दा अनुमति भन्दा बढी नदीजन्य सामाग्री फेला पारिएको र अधिकांस स्थानमा अबैध उत्खनन र घाटगद्दी गरेको गाउँपालिकाका अध्यक्ष तप्तबहादुर पौडेलले बताउनुभयो ।
गाउँपालिकाका जनप्रतिनिधि र कर्मचारीले वडा नम्बर २, ४, ५, ६, ८ र ९ का विभिन्न क्रसर उद्योग तथा नदीजन्य सामग्री राखिएको घागद्दी स्थलको अनुगमन गरेका थिए । अनुगमनका क्रममा अधिकांस स्थानमा नदीजन्य सामग्री अवैध रुपले उत्खनन र घाटगद्दी गरेको पाइएको हो।
नदीजन्य सामाग्री व्यवस्थापनका लागि कायपालिका बैठक बसेर निर्णय लिइने कार्यपालिका सदस्य समेत रहनुभएका वडा नम्वर ६ का अध्यक्ष ज्ञानेन्द्र वलीले बताउनुभयो ।गाउँपालिकाले विगत दुई वर्षदेखि राप्ती सोनारीका नदी खोलामा ठेक्का लगाउन सकेको छैन।
दुई वर्षदेखि अवैध रुपमा चलेका क्रसर उद्योगको नियमन र अवैध उत्खनन तथा घाटगद्दी रोक्दै दोषीमाथि कारवाही गरेर पालिकाको राजश्वमा बृद्धि गर्नुपर्ने वडा नम्वर ६ का वडाअध्यक्ष लवराज खरेलको भनाइ छ ।
अब्यवस्थित रुपमा रहेका पुरानो स्टक माललाई नियम अनुसारको पुरानो स्टक मालबस्तुको उचित ब्यवस्थापनका लागि गाउँपालिकाको ‘प्राकृतिक स्रोत तथा खानीजन्य वस्तुको बिक्री तथा निकासी सम्बन्धी कार्यविधि–२०७५’ बमोजिम राजश्व रकम गाउँपालिकामा बुझाउन निर्देशन दिइएको छ ।
Discussion about this post