बाँके असार ९ गते ।
५ देखि ११ वर्षसम्मका बालबालिकालाई आजदेखि फाइजर खोप लगाइने भएको छ । जिल्लाका ८१ वटै वडामा रहेका खोप केन्द्रबाट खोप लगाइने स्वास्थ्य कार्यालय बाँकेका खोप फोकलपर्सन नरेश श्रेष्ठले जानकारी दिनुभयो ।
अधिकांश विद्यालयलाई खोप केन्द्र बनाइएको छ । स्वास्थ्यकर्मीकारुपमा यो पटक महिला स्वयम सेविकाहरुलाई परिचालन गरिएको छ । स्थानीय तह स्वास्थ्य शाखाले तोकेको ८१ वटै वडाका खोप केन्द्रबाट खोप सेवा प्रदान गरिने श्रेष्ठले बताउनुभयो ।
उहाँले आफ्ना बालबालिकाहरुलाइ आफ्नो बिद्यालय वा तोकिएको खोप केन्द्रमा लगि खोप लगाउन पनि आग्रह गर्नुभयो । स्वास्थ्य कार्यालय बाँकेका अनुसार ७६ हजारबढी बालबालिकालाई कोभिड विरुद्धको फाइजर खोप दिन लागिएको हो ।
यो खोप अभियानमा ७६ हजार २३९ जना बालबालिकालाई समेट्ने लक्ष्य लिइएको पनि श्रेष्ठले जानकारी दिनुभयो । बाँकेमा ८० हजार डोज खोप आएको छ ।
Discussion about this post