अजय पाठक बाँके असोज १६ गते ।
नेपालगन्जमा एक दिने निःशुल्क आकस्मिक प्राथमिक उपचार तालिमको आयोजना गरिएको छ । डिस्कभरी रोयल स्पोर्टस् क्लब(यु.ऐ.ई )ले विपद्का बेला प्राथमिक उपचारले धेरैको ज्यान बचाउँन सकिने भएकाले तालिमको आयोजना गरेको हो ।
नेपालको २६ जिल्लामा आकस्मिक प्राथमिक उपचार तालिम सन्चालन गरेको संस्थाले हाल सम्म २५० जनालाई निशुल्क तालिम दिएको बताएको छ । बाढी र पहिरो , भुकम्प जस्तो जोखिमको बेला अपनाउनु पर्ने साबधानीका २६ वटा विषयहरु तालिममा सिकाएका छन । जोखिमको बेला आफू र अरुलाई कसरी बचाउने र कस्तो पुर्व तयारी गरेर बिपतलाई ब्यवस्थापन गर्न सकिने बिषयको जानकारी दिने उदेश्यले तालिमको आयोजना गरिएको हो ।
बाँकेमा निःशुल्क आकस्मिक प्रथामिक उपचार तालिम लगत्तै बर्दियामा पनि आयोजना गरिने भएको छ । कार्यक्रम को प्रशिक्षण गर्दै तराईमा हुने बाढी र डुबान, सर्पदंश, ह्दयघातको समयमा तत्काल अपनाउनु पर्ने प्राथमिक उपचारका बारेमा स्पोर्ट्सका प्रमुख ओमप्रसाद उप्रेती सम्मेलित तीनजना विज्ञ टोलीले तालिम दिएका थिए ।
बाँकेमा रहेका प्रहरी, स्थानीय तहका प्रतिनिधी , विद्यार्थीहरुको उल्लेख्य रुपमा सहाभागितामा रहेको थियो ।
निशुल्क आकस्मिक प्राथमिक उपचार को डिस्कभरी रोयल स्पोर्ट्स क्लब (यु.ए.ई) को मुख्य आयोजना र लैङ्गकि समानता र मावन अधिकार विकास केन्द्र नेपालगञ्जको सहकार्यमा तालिम सम्पन्न गरेको छ ।
Discussion about this post