बाँके साउन २४ गते ।
बाँकेको चिसपानीबाट सशस्त्र प्रहरीले ठूलो परिमाणमा अवैध सामानसहित ट्रक बरामद गरेको छ ।
चिनी, चामल, सुपरपावर र लेडिज सुट लोड गरिएको भे १ ख ३५८८ नम्वरको ट्रक बरामद गरिएको सशस्त्र प्रहरी बल नम्बर ३० गण बागेश्वरी बाँकेका एसपी जनकराज बस्नेतले जानकारी दिनुभयो ।
भारतबाट भन्सार छलेर लैजादै गरेको सय बोरा चिनी, ३२० बोरा चामल, २८ बोरी सुपरपावर र सय पिस लेडिज सुट बरामद भएको छ । सशस्त्रले चालक र सहचालकलाई पनि नियन्त्रणमा लिएको छ ।
ट्रकसहित करिव साढे ५९ लाख मूल्य बराबरको सामान भन्सार कार्यालयलाई बुझाउने तयारी भइरहेको छ।
ADVERTISEMENT
Discussion about this post