बाँके भदौ १३ गते ।
नेपालगन्ज भन्सार कार्यालयका एकजना कार्यालय सहयोगीको असुली धन्दाले भन्सारकै बदनाम भएको छ ।
कार्यालय सहयोगी भिम बहादुर चन्दको असुली धन्दाले भन्सार कार्यालयकै बदनाम भएको हो ।
चन्दले भारतबाट फर्कने नेपालीबाट दिनदहाडै खुलियाम रकम असुल्ने गरेका छ्न । भारतीय बजार रुपैडियाबाट दैनिक उपभोग्य सरसामान किनमेल गरेर फर्कने नेपालीबाट चन्द असुलीकर्ता हुन ।
उनले ती सोझा साझा नेपालीबाट रु ५० देखि रु १०० सम्म असुल्ने गरेका छ्न । खोजखबर अनलाइनलाई प्राप्त सूचना अनुसार चन्दले नेपालीहरुबाट उनले दैनिक रकम असुल्ने गरेका छन।
यस्तो लाग्छ उनलाई हाकिम देखि अधिकृतसम्म सबैको साथ छ । किनकि उनले सिधै रकम माग्ने गर्छन् । भारतबाट सानोतिनो सामना लिने नेपालीले उनलाई लुकाएर बेन्चमुनीबाट पैसा दिने गर्छन ।
शशस्त्र प्रहरी समेत असुली धन्दामा लाग्दा चन्दको मनोबल बढेको हो ।
चन्द बिगत तीन वर्ष देखि भन्सारको गेटमा चेकजाँचमा खटिने गरेका छन । जमुनाह भन्सार गेट बाहिर चेकजाँचको बहानामा चन्दको असुली धन्दा मौलाउँदै गएको छ ।
भन्सार कार्यालय भने अहिलेसम्म चन्दको असुली धन्दाबारे बेखबर जस्तै छ । सिधासादा नागरिकलाई चेकजाँचको नाममा अनावश्यक दुख दिने र असुली गर्ने चन्दको गतिविधिले सर्बसाधारण नागरिकले सास्ती पाएका छ्न ।
Discussion about this post