बाँके असोज ८ गते ।
चर्को बैकिङ ब्याज विरुद्ध चरणबद्ध आन्दोलनमा रहेका नेपालगन्जका उद्योग,व्यवसायीले अर्थमन्त्री जनार्दन शर्मालाई शनिवार भेटेर आफ्ना समस्या सुनाएका छन् ।
जवाफ अर्थमन्त्री जनार्दन शर्माले देशभरबाट समस्या आएको बताउँनुहुदै काठमाडौं गएर सम्भवत आइतवार नै सरोकारवाला निकायसँग बसेर समस्या समाधानको पहल गर्ने वचन दिनुभयो । उहाँ निजिक्षेत्रको समस्याका बारेमा आफू जानकार र गम्भीर रहेको उल्लेख गर्दै भन्नुभयो – ठाउँ–ठाउँबाट गुनासाहरु आएका छन् ।
काठमाडौं गएपछि सम्बन्धित सबै निकायसँग बसेर समाधानको बाटो खोज्छु । नेपालगन्ज उद्योग वाणिज्य संघका अध्यक्ष अब्दुल वाहिद मन्सुरीको नेतृत्वको टोलिले अर्थमन्त्री शर्मालाई भेटेर निजिक्षेत्रले हाल भोगिरहेको ब्याजदर लगायतका समाधानका लागि ज्ञापनपत्र बुझाएको महासचिव चिरञ्जीवी ओलीले बताउनुभयो ।
संघले चर्को ब्याजदर विरुद्ध र अबैध आयात विरुद्ध आन्दोलन गर्दै आएको छ । शुक्रबार नेपाल राष्ट्र बैंक नेपालगन्जमा धर्ना दिएका व्यवसायीले शनिवार जमुनाह नाकामा स्वदेशमै किनमेलका लागि प्रोत्साहन गर्न प्रचारात्मक अभियान शुरु गरेका छन् । आन्दोलनमै रहेका व्यवसायले शनिवार अर्थमन्त्री शर्मालाई नेपालगन्जमा भेटेका हुन् ।
अर्थमन्त्रीका प्रेस बिज्ञ बरिष्ठ पत्रकार मनऋषि धितालले व्यवसायीका समस्याका बारेमा अर्थमन्त्री गम्भीर रहनुभएको र समस्या समाधानका लागि तत्कालै सरोकावाला निकायसँग छलफल गरेर समाधानको उपाय खोज्न लाग्नु भएको बताउनुभयो ।
Discussion about this post