बाँके असोज ९ गते ।
बडा दशैंको अवसर पारेर नेपालगञ्जमा रामलीला मञ्चन हुने भएको छ । नेपालगञ्ज–१३ बाँकेगाउँ रामलीला मैदानमा भोली÷सोमबार साँझदेखि रामलीला मञ्चन हुन लागेको हो ।
एक सय ५२ औं वर्षदेखि नेपालगन्जमा रामलीला मन्चन हँुदै आए पनि विगत दुई वर्ष यता कोरोनाकाकारण रामलीला मञ्चन हुन सकीरहेको थिएन तथापी अन्य धार्मीक अनुष्ठान लगायतका कार्यक्रम भने जारी नै राखीएको थियो । । रामलीला शुरु भएको एक सय ५५ वर्ष पुरा हुँदै छ ।
रामलीलाको बाँकेका प्रमुख जिल्ला अधिकारी सुर्य बहादुर खत्रीले समुदघाटन गर्नु हुने भएको छ । सत्यमाथि विजयको प्रतीकका रूपमा मनाइने दशैको पहिलो दिन घटस्थापनादेखि विजयादशमीको दिन सम्म राति ७ बजे देखि १२ बजेसम्म रामलीला मञ्चन गरिन्छ ।
रामलीला मञ्चनका लागि भारतको वृन्दावन धामको ब्रज रासलीला एवं रामलीला मण्डल नेपालगञ्ज आइपुगेको छ । मण्डल सञ्चालक श्री राधारमण शर्मा नेतृत्वको २१ कलाकार टोलीले भगबान राम र सीताको जीवनीमा आधारित विभिन्न कथालाई नाटकीय रूपमा प्रस्तुत गर्ने छ ।
रामलीलाको मन्चन राज्याभिषेक अर्थात् विजयादशीको राति सम्म चल्ने आयोजकले जनाएको छ । रामलीला मञ्चनका लागि मञ्च व्यवस्थापन लगायत सबै तयारी पुरा भइसकेको रामलीला सञ्चालक समितिका अध्यक्ष सन्तोष कुमार कानोडीयाले जानकारी दिनु भयो । रामलीला मंचन अवलोकनका लागि सपरिवार उपस्थित भईदिन हुन पनि अध्यक्ष कनोडीयाले सवैमा हार्दिक अनुरोध गर्नुभएको छ ।
Discussion about this post