बाँके कात्तिक ५ गते ।
आगामी मंसिर ४ गते हुने प्रदेश र प्रतिनिधिसभा निर्वाचनमा अपाङ्गता भएका व्यक्तिहरुले आफ्नो मताधिकार सुनिश्चिताको माग गरेका छन् ।
नेत्रहिन युवा संघ नेपाल बाँकेले आयोजना गरेको निर्वाचन परिवेक्षक तालिममा सहभागी भएका अपाङ्गता भएका व्यक्तिहरुले गएको स्थानीय तहको निर्वाचनमा अपाङ्गता भएका व्यक्तिहरुले सहज तरिकाले मताधिकारको उपयोग गर्न नपाएको भन्दै आफ्नो मताधिकार सुनिश्चिताको लागि पहुँचयुक्त संरचनाको माग गरेका हुन् ।
संघका फिल्ड संयोजक श्यामबहादुर थारुका अनुसार अपाङ्गता भएका व्यक्तिहरुले सहज तरिकाले मतदान गर्नका लागि मतदान स्थल अपाङ्गमैत्री हुनु पर्ने बताए । उनले अपाङ्गतामैत्री संरचना नभएका कारण कैयौ अपाङ्गता भएका व्यक्तिहरुले आफ्नो मताधिकार प्रयोग गर्न नपाएको गुनासो सुनाए ।
संघले अपाङ्गता भएका व्यक्तिहरुको मताधिकार सुनिश्चितताका लागि अपाङ्गता भएका व्यक्तिहरुनै मतदाता शिक्षामा परिचालन गरिएको पनि जानकारी दिए ।
आइफिएस संस्थाको सहयोगमा आयोजित तालिममा नमुना मतदान समेत गरिएको थियो । कार्यक्रम संघका अध्यक्ष रीता खड्काको सभापतित्वमा भएको कार्यक्रम असोज ३ र ४ गते नेपालगन्जमा भएको हो ।
Discussion about this post