बाँके कात्तिक ७ गते ।
नेपालगन्जको न्यूरोडबाट प्रहरीले गएराती जुवा खेलिरहेको अवस्थामा ९ जनालाई पक्राउ गरेको छ ।
वडा प्रहरी कार्यालय नेपालगन्जबाट खटिएको प्रहरी टोलीले नेपालगन्ज सेतुविक चोक नजिक रहेको पहिलेको ह्यायत होटल अहिलेको द्रब्य कुटिरबाट जुवा खेलिरहेको अवस्थामा उनीहरुलाई पक्राउ गरेको हो ।
द्रब्य कुटिरमा जुवा खेलिरहेका उनीहरुबाट प्रहरीले करिब डेढ लाख नगद समेत बरामद गरेकोछ । प्रहरीको उच्च स्रोतका अनुसार पक्राउ पर्नेमा सुर्खेतका एक जनासहित नेपालगन्जका ८ जना रहेकाछन् ।
प्रहरीले पक्राउ गरेको जुवाडेहरुमा नेपालगन्ज उपमहानगरपालिका वडा नम्बर –५ का ल्याकत हुसेन शेष, वडा नम्बर– ४ का महेश गुप्ता, वडा नम्बर–१० का सुदीप श्रीवास्तव, वडा नम्बर–७ का धनलाल सुनार, वडा नम्बर–५का राजनराज श्रेष्ठ, वडा नम्बर–१० का डिबी शाही, वडा नम्बर–६ का नारायण भण्डारी, वडा नम्बर–१२ का कमल रोका र सुर्खेत विरेन्द्रनगर–१२ का विक्रम महतरा रहेकाछन् ।,
Discussion about this post