बाँके कात्तिक २३ गते ।
जनता समाजवादी पार्टीका नेता तथा बाँके क्षेत्र नं.२ का प्रतिनिधिसभाका उम्मेदवार मोहम्मद इस्तियाक राईले आफ्नो चुनावी प्रतिबद्धता पत्र सार्वजनिक गरेका छन् । आज नेपालगन्जमा पत्रकार सम्मेलनको आयोजना गरी उनले आफ्नो चुनावी प्रतिबद्धता सार्वजनिक गरेका हुन् ।
उनले पाँच वर्षभित्र आफ्नो निर्वाचन क्षेत्रमा पाँच वटा नमुना स्वास्थ्य केन्द्र बनाउने घोषणा गरेका छन् । एमविविएस डाक्टर व्यवस्था गरिएको नमुना स्वास्थ्य केन्द्र निर्माणको योजना सुनाएका हुन् ।
यस्तै भेरी अस्पताललाई सुविधासम्पन्न अस्पतालकोरुपमा विकास गर्ने गरी योजना अघि सारेका छन् । उनले दीर्घरोगको उपचारका लागि छुट्ै युनिट तयार पारिने पनि उनले बताए । उनले शिक्षा क्षेत्रमा पाँच वटा नमुना विद्यालय बनाउने योजना अघि सारेका छन् । उनले सामुदायिक विद्यालयलाई नमुना विद्यालयको रुपमा विकास गरिने बताए ।
विपन्न तथा गरिव समुदायका बालबालिकाहरुलाई लक्षित गरेर नमुना विद्यालय संचालन गरिने पनि उनको भनाइ छ । महेन्द्र बहुमुखि क्याम्पसको भवन पुनःनिर्माण गरिने जानकारी दिँदै उनले महेन्द्र बहुमुखि क्याम्पसलाई प्रविधिमैत्री बनाइने पनि उल्लेख गरेका छन् । गुणस्तरीय शिक्षबाट कुनै पनि नागरिक बञ्चित नहुने गरी योजना अगाडि बढाइने समेत उनले बताए ।
कृषितर्फ उनले मनिकापुरमा व्यवसायीक गौशाला स्थापनाको पहल गरिने बताए । छाडापशुचौपायाको व्यवस्थापन, समयमै मलविउविजन, स्मार्ट कृषि सिटी, सहज मलको आपूर्तिलाई पनि जसपाले आफ्नो चुनावी प्रतिबद्धतापत्रमा उल्लेख गरेको छ । नेपालगन्ज रंगशालालाई व्यवसायिक बनाउन पनि उनले जोड दिएका छन् ।
उनले नेपालगन्जलाई धार्मिक पर्यटनकोरुपमा विकास गरिने बताए । नेपालगन्जको जमुनादेखि हिल्सा जोड्ने सडक निर्माणपछि नेपालगन्ज धार्मिक पर्यटनको सहरकारुपमा स्थापित हुने बताए । नेपालगन्जमा बागेश्वरी मन्दिर भएका कारण भारतबाट आउने पर्यटकहरु नेपालगन्जमा बास बसेर हिल्सासम्म पुग्ने बताए । उनले आफुमाथि विभिन्न खाले आरोप लगाएको भन्दै आक्रोस समेत पोखेका थिए ।
उनी प्रतिस्पर्धी धवल शम्शेर राणामाथि खनिएका थिए । उनले कोरोना महामारीमा राणाले कुहिएको चामल वितरण गरेको आरोप लगाए । बागेश्वरी मन्दिरको जग्गा समेत हिनामिना गरेको राईले राणामाथि आरोप लगाए ।
यस्तो छ राईको राजनीतिक यात्रा
मोहम्मद इस्तियाक राई २०५६ सालदेखि पूर्णकालीन राजनीतिमा होम्मिएका हुन् । २०३६ सालमा बाँकेमा जन्मिएका राईले वुवाको प्रेरणाबाट मिलेको थियो । वुवा राप्रपामा आवद्ध थिए । त्यही भएर राई पनि राप्रपाबाट आफ्नो राजनीति सुरु गरेका थिए । उनले २०५१ सालदेखि राप्रपाका विभिन्न संघसंगठनमा आवद्ध भएर राजनीतिको कर्म गरे ।
समयको क्रमसँगै २०६२÷०६३ सालको जनआन्दोलनपछि भने उनी तराई मधेश केन्द्रीत आन्दालोनमा होम्मिए । उनी मधेशी जन अधिकार फोरममा सामेल भएर मधेश आन्दोलनमा निर्णायक भूमिकामा देखिए । अनि उनी पार्टीको केन्द्रीय तहमा कार्यकारी पदमा निर्वाचित हुँदै गए । मधेश केन्द्रीत दलहरुलाई मिसाउँदा मिसाउँदै अहिले जसपा बनेको छ ।
२०६४ सालको संबिधानसभाको चुनावमा उनले तत्कालीन मधेशी जनअधिकार फोरमबाट बाँके क्षेत्र नं.२ बाट प्रतिनिधिसभामा निर्वाचित भए । त्यतिबेला उनी २८ वर्षका थिए । ३१ वर्षको उमेरमा मन्त्री भए । २०७४ सालको संबिधानसभा निर्वाचनमा पनि उनी निर्वाचित भए । उनी श्रममन्त्री, भौतिक पूर्वाधारमन्त्रीलगायतको जिम्मेवारी कुशलतापूर्वक निर्वाह गरिसकेका छन् । उनै इत्यिाक राई आगामी मंसिर ४ गते हुने प्रतिनिधि सभा र प्रदेशसभाको निर्वाचनका लागि बाँके क्षेत्र नं.२ मा जसपाबाट प्रतिनिधिसभाको उम्मेदवार बनेका छन् । राई बाँकेमा एक्लै चुनावी मैदानमा छन् ।
दुई पटक सांसद र तीन पटक मन्त्री भइसकेका राई बाँकेमा विकासप्रेमी नेताकारुपमा परिचित छन् । राईका कारण बाँके क्षेत्र नम्वर २ मा विकासको लहर आएको छ । ग्रोभल सडकहरु पीच भएका छन् । सोलार वत्तिले सहर उज्ज्यालिएको छ । वर्षौदेखि थ्रोतिएको भेरी अस्पतालले नयाँ भवन पाएको छ । यहाँका मस्जिदहरुको रंग फेरिएको छ । मन्दिर र चर्चहरुमा पनि राईकै छाप छ । खोलाले छेकिने गाउँहरु सहरसँग जोडिएका छन् ।
Discussion about this post