काठमाडौं कात्तिक २८ गते ।
विश्वकप आउन ६ दिन बाँकी हुँदा पनि नेपालमा विश्वकप हेर्न पाइनेरनपाइने अन्योल कायमै छ।
दक्षिण एसियाका लागि प्रसारण अधिकार खरिद गरेको भायोकम १८ बाट नेपालका लागि मिडिया हबले प्रसारण अधिकार खरिद गरेको थियो। मिडिया हबले यो पटक प्रसारणका लागि महँगो मूल्य तिरेर खरिद गरेको भन्दै विज्ञापनबाट मात्र लागत उठ्न नसक्ने भन्दै उपभोक्ताबाट पनि पैसा उठाउने निर्णय गरेको थियो।
मिडिया हबले हरेक सेटअप बक्सबाट ५०० रुपैयाँ उठाउने सूचना गत ४ कात्तिकमा प्रकाशित गरेपछि त्यसविरुद्व अधिवक्ताहरु किशोर पौडेल र अनुपम भट्टराईले सर्वोच्चमा मुद्दा दायर गरेका थिए। सर्वोच्चले २२ कात्तिकमा अन्तरिम आदेश माग गर्दै परेको रिटविरुद्ध ३० कात्तिकमा छलफलमा बोलाउँदै त्यतिन्जेलसम्मका लागि सबै प्रक्रिया यथास्थितिमा राख्न भन्दै अल्पकालीन आदेश दिएको थियो।
त्यसविरुद्ध मिडिया हबले आफूलाई बोलाएको समयमा निर्णय भएको खण्डमा पनि समय अपुग हुने भन्दै सर्वोच्च अदालतमा बिहीबार भ्याकेट निवेदन दर्ता गरेको थियो।
उक्त मुद्दा अदालतले दर्ता गर्दै शुक्रबार पेशी तोकेको थियो। शुक्रबार हेर्न नभ्याइनेमा परेपछि आइतबारका लागि पुनः न्यायाधीशद्वय विश्वम्भर श्रेष्ठ र मनोजकुमार शर्माको इजालासमा पेशी तोकिए पनि आइतबार पनि मुद्दा हेर्न नभ्याइनेमा राखिएपछि विश्वकप हेर्ने नेपाली दर्शकको चाहना थप अन्योलमा परेको हो।
अदालतमा प्रवेश गरेको विश्वकप प्रसारण अधिकार मुद्दा समयमै सुनुवाइ नहुँदा नेपाली दर्शकले पैसा तिरेर हेर्न चाहेमा पनि विश्वकप हेर्न नपाउने जोखिम बढेको छ। मिडिया हबका निर्देशक सोमप्रसाद धितालले आफूलाई धेरैतिरबाट विश्वकपका लागि के हुन्छ भनेर प्रश्न आउने गरेको भन्दै अदालतले चाँडो निर्णय दिनुपर्ने बताए।
उनले भने, ‘हामीलाई केवल प्रसारकहरुले सेटअप बक्स तथा विज्ञापनदाताहरुले विज्ञापन र आम दर्शकले विश्वकप हेर्न पाउने या नपाउने भनेर निरन्तर सोधिरहनु भएको छ। हामीले के जवाफ दिनेरु,’ धिताल भन्छन्, ‘अदालतले गर्ने आदेश स्वीकार्य छ, तर सबै पक्षलाई अन्योलमा राख्ने काम गर्नु भएन्।’ उनले अहिले नै अन्य विकल्पको बारेमा नसोचेको र आफूहरुले सकेको जति सस्तो शुल्कमा दर्शकलाई विश्वकप देखाउन लागेको बताए।
Discussion about this post