बाँके पुस २१ गते ।
नेपालगन्जको जमुनाह प्रहरीले भारतबाट हुने अवैध तस्करको अंकुश लगाएको छ । जमुनाह प्रहरीको कमाण्ड सम्हाले लगत्तै बरिष्ठ सई पूर्ण विकको पहलमा भारतबाट तस्करीका लागि नेपालगन्ज प्रवेश गराइएको ७ ड्रम मसला, ३ रोल कपडा, ३० केजी माछा, ४० वटा बोइलर कुखुरा प्रहरीले नियन्त्रणमा लिएको छ ।
उक्त सामानको मूल्य तीन लाख बढी रहेको बताइएको छ । जमुनाह नाकाको पूर्व जमुनाह गाउँबाट अवैध सामाग्री बरामद भएको विकले बताउनुभयो ।
उपप्रधान तथा गृहमन्त्री रवि लामिछानेले अवैध तस्करी रोक्न देशैभरका सिडिओ तथा प्रहरी प्रमुखलाई निर्देशन दिएपछि बाँकेमा पनि कडाइ सुरु गर्न लागिएको छ । बाँकेका प्रहरी प्रमुख सन्तोष सिंह राठौरको निर्देशनमा बरिष्ठ सइ विकलाई जमुनाह खटाइएको छ ।
लामिछाने गृहमन्त्री बनेपछि अवैध असुली गर्ने प्रहरीदेखि उच्च तहका अधिकारीहरु झस्किएका छन् । प्रहरीभित्रको चरम व्यथितिबारे राम्रोसँग बुझेका गृहमन्त्रीको निर्देशनपछि बाँकेका एसपी राठौर पनि अवैध तस्कर नियन्त्रणमा कडारुपमा प्रस्तुत हुने देखिएको छ । त्यसैका लागि वरिष्ठ सई विकलाई जमुनाह खटाएको स्रोत बताउँछ ।
प्रहरीको उच्च तहमा जमुनाह नाका ‘मालदार’ नाकाका रुपमा परिचित छ । त्यसैले पनि यहाँ जान कमाण्डरहरु मरिहत्ते गर्ने गरेका छन् । बरिष्ठ सई विक हाजिर भएकै दिन तस्करको केही सामान बरामद गरेर त्यसका नियन्त्रणको संकेत दिएका छन् ।
Discussion about this post