खोजखबर संवाददाता
बर्दिया असार १३ गते । बर्दिया जिल्लाको बढैयाताल गाउँपालिकाका जनप्रतिनिधिहरु सूचना र प्रविधिमा पहुँच बढाउन लागि परेका छन् ।
पर्यटन बिकास समाजको आयोजना तथा बढैयाताल गाउँपालिकाको सहयोगमा जनप्रतिनिधिलाई सूचना प्रविधि सम्बन्धि २ दिने तालिमको आयोजना गरिएको थियो । पर्यटन बिकास समाजका अध्यक्ष पार्वती काफलेले जनप्रतिनिधिहरुलाई सूचना प्रविधिको ज्ञान तथा सीपको प्रदान गर्नका लागि यो तालिम सन्चालन गरिएको बताउनुभयो । साथै उहाँले जनप्रतिनिधिहरुलाई मन्त्रालयको वेभ साइट हेर्न, इमेल कसरी चेक गर्ने ,मोबाइलमा म्यासेज कसरी पठाउने भन्ने बारे जानकारी दिई कार्यमा छिटो छरितो र सहजता ल्याउने उद्धेश्यले तालिम सन्चालन गरिएको बताउनुभयो ।
सो तालिमको सहजीकरण बढैयाताल गाउँपालिकाका आईटी अफिसर कमल खड्काथोकीले गर्नुभएको थियो । उहाँले मन्त्रालयको महत्वपूर्ण वेभ साइट हेर्न, इमेल कसरी चेक गर्ने , इमेल कसरी पठाउने ,मोबाईलबाट म्यासेज कसरी पठाउने भन्ने बारे जानकारी गराउनुभएको थियो ।
Discussion about this post