सरला सुवेदी
बाँके फागुन ३ गते ।
संचार तथा सूचना प्रविधि मन्त्री रेखा शर्माले आज बाँके जिल्लामा भएका विभिन्न कार्यक्रममा सहभागिता जनाएकी छिन् । मङ्गलबार उनले नेपालगन्जमा हिमालयन साइन्स फाउन्डेसनद्वारा आयोजित बिज्ञान मेलाको उद्घाटन समेत गरेकी थिईन भने कोहलपुरमा रहेको गोरखापत्र सस्थान र नेपाल टेलिभिजन कोहलपुर प्रशारणको अवलोकन समेत गरेकी हुन् ।
उनले नेपाल टेलिभिजन कोहलपुरले राखेको भेटघाट कार्यक्रममा टेलिभिजनले समय अनुसार आफुलाई परिमार्जन गर्दै जानुको विकल्प नभएको बताएकि छिन् । एनटिभी कोहलपुरको आज निरीक्षण गर्दै मन्त्री शर्माले सामाजिक सञ्जालको बढ्दै गएको प्रभाव र दर्शकको चाहाना अनुसार कार्यक्रम उत्पादनमा ध्यान दिन जरुरी रहेको बताईन।
उनले पछिल्लो समय टेलिभिजन हेर्नेको संख्यामा कमि भएको हुदा धेरै लामो कार्यक्रम समाचार र अन्तर्वार्ताका कार्यक्रम १० मिनेटका भन्दा लामो नबनाउन आग्रह गरेकी छिन् । टिकटक जस्ता केही नयाँपन दिने अनि दर्शकको मन जित्ने कार्यक्रम सन्चालन गर्नुपर्नेमा एनटिभी कोहलपुरले जोड दिनुपर्ने बताईन।
मन्त्री शर्माले संविधान कानुनमा भएको व्यवस्थाको बारे लक्षित वर्ग तथा सम्बन्धित समुदायले जानकारी नपाउँदा न्याय पाउन कठिन भएको भन्दै तल्लो वर्गका नागरिकले पाउने अधिकारबारे जानदिने खालका क्रार्यक्रम उत्पादन गर्नुपर्नेमा जोड दिईन। मन्त्री शर्माले निरीक्षण भ्रमण पछि कार्यालयमा भएको औपचारिक कार्यक्रममा बोल्दै उनले रेडियो नेपाल र टेलिभिजनलाई सयुक्त रुपमा सञ्चालन गर्ने तयारी भइरहेको जानकारी समेत दिएकी छिन् ।
संघियता कार्यान्वयन गर्न पश्चिम नेपालमा एनटिभी कोहलपुरले खेलेको भूमिकाको प्रशंसा गर्दै उनले स्थानीय सरकारसंग पनि थप सहकार्य गर्न निर्देशन दिईन।
यस्तै नेपाल टेलिभिजनका कार्यकारी निर्देशक समिरजंग शाहले संस्थानलाई आवश्यक जनशक्ति व्यवस्थापनका लागि नेतृत्व लागि रहेको बताए । उनले नयाँ जनशक्तिको व्यवस्थापनका लागि रोकिएको परिक्षा सञ्चालन र रोकिएका बडुवा प्रक्रिया छिट्टै सुरु हुने बताए । यस्तै कार्यक्रममा एनटिभी कोहलपुरका प्रमुख विजयकुमार वर्माले पछिल्लो समय भएका उपलब्धिबारे वृफिङ्ग गर्दै एनटिभी कोहलपुर भित्र भएका समस्याबारे सुनाउदै सहयोगको लागि अनुरोध समेत गरेका थिए।
च्यानलमा विद्यामान रहेका समस्याबारे मन्त्रालयले आवश्यक समन्वय गर्ने अपेक्षा व्यक्त गर्दै एनटिभी कोहलपुरले आफ्नो उद्देश्य पुरा गर्न लागिपरिरहेको बताए कार्यक्रममा प्रतिनिधि सभा सदस्य पुर्णा सुवेदी जिल्ला हुलाक कार्यालयको प्रमुख गोविन्द पाण्डे लगायत सञ्चारकर्मीहरुको बाक्लो उपस्थिति रहेको थियो ।।
Discussion about this post