बाँके फागुन २२ गते ।
बाँकेको कोहलपुरमा रहेको मध्यपश्चिम विश्वविद्यालयको आङ्गिक क्याम्पस बागेश्वरी बहुमुखी क्याम्पसमा चैत्र ३ गते हुन गईरहेको निर्वाचनमा नेपाली काँग्रेसको भातृ संस्था नेपाल विद्यार्थी संघको तर्फबाट स्वतन्त्र विद्यार्थी यूनियन (स्ववियू) सभापतिमा टिका शाहीले उम्मेद्वारी दर्ता गरेकी छिन् ।
बागेश्वरी क्याम्पसमा यस पटक नेविसंघ मात्र नभई एक निडर महिला नेतृत्व स्ववियूले पाउँदैछ । लोककल्याणकारी राज्य व्यवस्थामा महिलाले पाउने दया र कुरुण मात्र हैन अधिकार र हक पनि हो । राज्यको सर्वोच्व निकायमा राष्ट्र प्रमुखमा रुपमा महिला नै हुनुहुन्छ । संवैधानिक निकायमा महिलाहरुको उपस्थितिले लोकतन्त्रको गरिमा बढाएको छ ।
बागेश्वरी बहुमुखी क्याम्पसको इतिहासमा पहिलो पटक एक जना निडर, विद्यार्थीको भावना बुझ्ने र क्याम्पसको शैक्षक विकासका लागि जानकार नेतृत्व पाउँदैछ । इतिहास थोरैले मात्र लेख्छन् । त्यो इतिहास बागेश्वरीमा टिका शाहीले रच्दै छिन् । क्याम्पसको शैक्षिक विकाससँगै भौतिक विकास, क्याम्पसमा अध्ययरत विद्यार्थीको अपेक्षित शैक्षिक उपलब्धी हासिल गराउन तथा उच्च शिक्षा अध्ययन हासिल गर्न आएका विद्यार्थीले भोग्दै आएका समस्याहरुलाई समाधान गर्नका लागि टिका शाही एक सहयोगिका रुपमा रहने छिन् ।
कोहलपुरलाई शैक्षिक हबका रुपमा विकास गर्नका लागि बागेश्वरी क्याम्पसलाई अनुसन्धान केन्द्रका रुपमा विकास गर्ने पहल गर्ने, क्याम्पस भित्र विज्ञान प्रयोगशाला स्थापना गर्नका लागि आफ्नो पहिलो लक्ष्य रहेको उनी बताउँछिन् । “क्याम्पसमा हुने शैक्षिक गतिविधिहरुलाई विद्यार्थीहरुको पेशागत जीवनलाई सहज बनाउने र क्याम्पसबाट उच्च शिक्षा हासिल गरेसँगै विद्यार्थीहरुलाई आत्मानिर्भर बन्न सक्ने शिक्षा दिनुपर्छ र त्यसका लागि मैले काम गर्छु” उनी बताउँछिन् ।
दुर्गम क्षेत्रबाट उच्च शिक्षा अध्ययन गर्न आएका विद्यार्थीहरुले भोग्दै आएको विद्यमान समस्याहरुको हल गर्नका लागि विशेष नीति लिईने उनको प्रतिवद्धता समेत रहेको छ ।
बागेश्वरी क्याम्पसलाई शेैक्षिक हबका रुपमा विकासका गर्नका लागि नेविसंघका उम्मेद्वारहरुलाई विजय गराउनका लागि विद्यार्थीहरुलाई नेविसंघ बागेश्वरी बहुमुखी क्याम्पस इकाइ सभापति राम प्रसाद पाण्डेले अनुरोध गरेका छन् । विद्यार्थीहरुको हक र अधिकारका लागि टिका शाही नेतृत्वको टिमलाई बिजय गराउनका लागि सबै लाग्न अनुरोध गरेका छन् ।
क्याम्पसमा नियमित शैक्षिक गतिविधि संचालनका लागि काम गर्ने स्ववियू सचिव पदका उम्मेद्वार युवराज विष्टले बताएका छन् । साथै उनले क्याम्पसमा अध्ययनरत विद्यार्थीहरुको हक र अधिकारीका लागि आफुहरु संधै लागि पर्ने बताएका छन् ।
साथै चैत्र ३ गते हुने स्वतन्त्र बिद्यार्थी युनियनको निर्वाचनमा नेविसंघ बाट चुनाव लड्ने उम्मेदवारहरुको छनौट गरेको हो । नेविसंघको
उम्मेदवारी तर्फबाट स्ववियू सभापतिका लागि टिका कुमारी शाही, सचिवमा युवराज बिष्ट, कोषाध्यक्षमा नमराज बि.क चयन भएका छन् । त्यस्तै स्ववियु निर्वाचनका लागी सदस्यमा बसन्त खत्री, हरि कृष्ण थारु, एलिना ठकुरी र आर्यान जोशी लगायतको उम्मेदवारी रहेका छ । बागेश्वरीमा स्ववियू निर्वाचनमा आठ विद्यार्थी संगठन दर्ता भएका छन् ।
Discussion about this post