सरला सुबेदी
बाँके फागुन २५ गते ।
पछिल्लो समय पत्रकार महिलाहरु पत्रकारीता पेशाबाट पलायन हुँदै गएको अवस्थामा सञ्चारिका समुहले भने विभिन्न कार्यक्रम आयोजना गरि पत्रकार महिलाहरुलाई कृयाशिल बनाउदै गएको छ।
सञ्चारिका समूह लुम्बिनी प्रदेशको आयोजनामा बाँके र बर्दियाका महिला पत्रकारहरुको क्षमता अभिबृद्दी र उनिहरुमा भएको अनुभव सुन्नको लागि दुई दिने खोजमूलक पत्रकारीता तालिम आजबाट संचालन गरिएको छ। सञ्चारिका समुह लुम्बिनी प्रदेश र आन्तिरक मामिला तथा सहकारी मन्त्रालय लुम्बिनी प्रदेशको आयोजनामा तालिमको आयोजना गरिएको हो। महिला पत्रकारहरुको लेखन क्षमतालाई अभिवृद्धि गर्ने उद्देश्यले कार्यक्रमको आयोजना गरिएको सञ्चारिका समूह लुम्बिनी प्रदेशकी अध्यक्ष अमृता अनमोलले बताएकि छिन् ।
उनले महिला पत्रकारहरु पछिल्लो समय पारिवारिक कारण अनि सञ्चारगृहबाट समयमा पारिश्रमिक नपाउदा यो पेशाबाट पलायन हुने तितो यथार्थ बताएकी छिन् ।उनले सञ्चारिका समुहले लेख्ने पत्रकार महिलाहरुको लागि अवसर सिर्जना समेत गरिदिएको बताएकी छिन् ।
सञ्चारिका समुहले आयोजना गरेको खोज पत्रकारिता तालिममा तीन दशक देखि बाँकेमा रहेर पत्रकारिता गरिरहनु भएका बरिस्ठ पत्रकार रुद्र सुबेदीले सहभागी पत्रकार महिलाहरुलाई प्रशिक्षित गराएका हुन । उनले आफ्ना तितामिठा अनुभव सुनाउदै पत्रकारिता भनेको खोजपूर्ण र खोजमूलक विषयवस्तुमा रहेर अध्ययन गर्न जरुरी रहेको बताएका छन् ।
उनले विशेषगरी पछिल्लो समय सञ्चार माध्यममा सिमान्तकृत समुदायका समाचार, स्टोरी, फिचर र सम्पादकीय आउन छोडेको र हामिले खोजमूलक पत्रकारिता गर्दा त्यि समुदायका मुद्दाहरुलाई विशेष प्राथमिकतामा राखेर आफ्नो कलम अगाडि सार्नु पर्ने बताए ।
पत्रकारिता क्षेत्रमा महिलाहरुको क्षमता विकास र लेखनमा अभिवृद्धि गराउने उक्त खोजमुलक तालिममा बाँके र बर्दियाबाट २० जना महिला पत्रकारहरुको सहभागिता रहेको छ । तालिममा उपस्थिति पत्रकार महिलाहरुले आफुले भोगेका तितामिठा भोगाई र अनुभवहरु समेत सुनाएका थिए।
Discussion about this post