सुर्खेत असार ७ गते ।
कर्णाली प्रदेश राजधानी बिरेन्द्रनगरका स्वास्थ्यकर्मीले ८ महिनादेखि तलबभत्ता पाएका छैनन् । कर्मचारी समायोजनमा उत्पन्न समस्याका कारण स्वास्थ्यका कर्मचारीले तलबभत्ता नपाएका हुन् ।
वीरेन्द्र नगर नगरपालिकाका विभिन्न स्वास्थ्य सस्थामा कार्यरत ९४ जना कर्ममारीले विगत ८ महिनादेखि तलवभत्ता पाएका छैनन् । संघीय तथा प्रदेश सरकारलाई पटकपटक तलव नपाएकोबारे जानकारी गराउँदा पनि सुनुवाई नभएको स्वास्थ्थयकर्मी चन्द्रकिरण बुढाको गुनासो छ ।
तलवभत्ता नपाउँदा घरखर्च चलाउनै मुश्किल परेको उनीहरुको भनाइ छ । पालिकाका अन्य क्षेत्रमा काम गरिरहेका कर्मचारीहरुले समयमै तलव भत्ता लिइरहेका छन् । तर स्वास्थ्यका स्थायी कर्मचारीले भने तलव नपाएका हुन् । काम गर्दा पनि तवलभत्ता नपाएको भन्दै स्वास्थ्यकर्मी किशोरकुमार रावतले आक्रोश पोख्नुभयो । नगरपालिकाले भने आवश्यकता भन्दा धेरै जनशक्ती हुँदा स्थानीय तहबाट तलवभत्ता दिन नसकिएको बताउँछ ।
संघीय सरकारले सरुवा गरेर पठाउने तर तलव नपठाएका कारण समस्या उत्पन्न भएको पालिका प्रमुख मोहनमाया ढकालको भनाइ छ । स्घीय सरकारले सुरुमा स्वास्थ्इतर्फका कर्मचारीका लागि मात्रै तलव पठायो । पछि समयोजन मिलान गरेका र संशोधन नियमावली बनेपछि दुईवटा पालिकाको सहमतिमा वीरेन्द्रनगरमा सरुवा भएका कर्मचारीले अहिलेसम्म तलव नपाएका हुन् ।
Discussion about this post