सरला सुवेदी
बाँके असार १६ गते ।
कोहलपुर नगरपालिकाले बढ्दो आत्महत्या न्यूनीकरण र रोकथामका लागि मनोसामाजिक परामर्शलाई तीब्रता दिएको छ । पालिकाले आफ्ना १५ वटै वडामा मनोसामाजिक परामर्श दिएको छ ।
असार १ गतेबाट वडा नम्वर १५ बाट सुरु भएको यो अभियान वडा नम्वर ११ मा पुगेर शुक्रबार सकिएको छ । समापन कार्यक्रममा बोल्दै कोहलपुर नगरपालिकाका प्रमुख पूर्ण प्रसाद आचार्यले हाम्रो अहिलेको दायित्व भनेको समाजमा कुनै पनि नागरीकको अकालमा मृत्यु नहोस् भन्ने हो त्यसैले त्यसतर्फ स्थानिय सरकार सजग र प्रतिवद्ध रहेको बताउनुभयो ।
‘हाम्रो अहिलेको दायित्व स्थानिय नागरिकको जीवन रक्षा गर्ने हो । नागरिकको जीवन रक्षाको लागि आफुहरु निरन्तर प्रतिवद्ध रहेको बताउनु भयो ।
यस्तै ’ कोहलपुर नगरपालिकाका नगर उपप्रमुख संगिता सुवेदीले पछिल्लो समय तनाव व्यवस्थापन गर्न नसक्दा अन्तिम उपायकारुपमा देहत्याग नै गर्ने प्रवृत्ति बढेको भन्दै त्यसलाई रोक्न मनोसामाजिक परामर्श दिने काम नगरपालिकाबाट भइरहेको बताउनुभयो ।
ईलाका प्रहरी कार्यालय कोहलपुरका डिएसपी सुन्दर तिवारीले आत्महत्या नियन्त्रण गर्नकालागि विशेष सचेतना अभियान नै चलाउनु पर्ने बताउनुभयो । उहाँले मन सम्हाल्न नसक्दा आत्महत्याका घटना कहालीलाग्दो अवस्थामा पुगेको बताउनुभयो । सामाजिक अपमान, साथीभाईसँगको झगडा, प्रेममा असफता,क्रृण, लागूऔषध दुव्र्यसन, मानसिक समस्या पारिवारीक कलह, घरेलु हिंसा जस्ता विभिन्न विषय नै आत्महत्याका कारण हुन सक्ने बताउँदै त्यसका लागि पालिकाहरुले प्रहरीसंग पनि समन्वय र सहकार्य गरेर कार्यक्रम गनुपर्नेमा डिएसपी तिवारीले सुझाव दिनुभयो ।
आत्महत्या रोकथाममा गर्न निकै नै चुनौति रहेको बताउँदै नेपाल प्रहरीको एकल प्रयासमा उक्त चुनौतिका सामना गर्न नसकिने डिएसपी तिवारीले बताउनुभयो । यस्तै नगर स्तरीय बाल युवा सन्जालका अध्यक्ष रमेश वडले अभिभावकहरुले आफ्ना बालबालिका प्रतिखासै चासो नदेखाएको र कार्यव्यस्तताले उनिहरुलाई समय नदिएको हुँदा डिप्रेशनको सिकार बनी आत्महत्या रोजेको बताउनु भएको छ ।
उहाले नगरभित्रका किशोरकिशोरीहरुलाई यश सन्जालमा जोडिएर विभिन्न कार्यक्रम मा सहभागी भएर एक्लोपनबाट मुक्त हुन आग्रह समेत गर्नुभएको छ। यस्तै नगर प्रहरी प्रमुख वीर बहादुर थापाले मनोसमाजिक परामर्श तथा आत्माहत्या न्यूनीकरणका लागि पहिलो चरणमा वडा स्तरीय कार्यक्रमहरु सम्पन्न गरिएको जानकारी दिनुभयो । कार्यक्रममा कोहलपुरमा १५ वटा वडाका सरोकारवाला निकाय, वडाध्यक्ष, कार्यपालिका सदस्य, नगर स्तरीय युवा क्लब संजाल, विद्यालयका प्रअ, विद्यार्थीहरु लगाएत सन्चारकर्मिहरुको सहभागीता रहेको थियो ।
Discussion about this post