बाँके साउन ९ गते ।
लुम्विनी, कर्णाली र सुदूरपश्चिमका अधिकांश मानिसहरुको रोजगार थलो हो भारत । पश्चिमको प्रमुख नाका नेपालगन्जस्थित जमुनाह नाकाबाट ती मानिसहरु रोजगारका लागि भारत जाने गरेका छन् ।
पहाडी जिल्लामा खेतीपातीको समय सकिएको छ । दशैं तिहारको जोहो गर्न हिजोआज जमुनाह नाका भएर भारत जानेको संख्या बढीरहेको छ । हिंजोआज दैनिक तीन सय हाराहारीमा नेपालीहरु कमाइका लागि जमुनाह नाका भएर भारत जाने गरेका छन् । यसअघि उनीहरु सहज तरिकाले नाका पार गर्दै आएका थिए ।
तर यो पटक भने नाकामा भारतीय एसएसवीको कडाइका कारण नेपाली नागरिकहरुले दुख र झन्झट व्यर्होदै आएका छन् । भारतीय एसएसवीले परिचयपत्र अनिवार्य गरेपछि रोजगारीका लागि नाका पुगेका कतिपय नेपाली अलपत्र परेका छन् । भारतीय सुरक्षा बल एसएसवीले विना सूचना एक्कासी नाकामा परिचयपत्र अनिवार्य गरेपछि रोजगारीका लागि भारत जाने र किनमेलका लागि रुपैडिया जानेहरु दुख पाउने गरेका छन् ।
यसक्षेत्रका अधिकांश नेपाली किनमेल र औषधि उपचारका लागि भारतीय बजार जाने गरेका छन् । अनावश्यक चेकजाँचका कारण लाइनमा घण्टौ विताउनु पर्ने बाध्यता छ । भारतीय एसएसवीले परिचयपत्र खोज्ने मात्र होइन खानतलासी पनि गर्ने गरेको छ ।
सिमामा चेकजाँचमा कडाइ गरिनु सकारात्मक भएपनि भीड व्यवस्थापन गर्न नसक्दा नाकामा अस्तव्यस्ता बढेको छ भने नागरिकहरुले दुख पाइरहेका छन् ।
परिचयपत्र भएकालाई मात्र भारत प्रवेश गर्न दिने गरिएको छ भने परिचयपत्र नभएकालाई लाइनबाट फर्काउने गरिएको पाइएको छ । नेपाली नागरिता वा नेपाली परिचय खुल्ने परिचयपत्र लामै लाईन लगाएर भारतिय सुरक्षा बल एसएसबिले कडाईका साथ नागरिता हेर्दै भारत प्रवेश गर्न दिईरहेका छन् ।
भारत, पाकिस्तान र नेपालमा समेत चर्चित बनेका पाकिस्तानी महिला सीमा हैदर र भारतिय युवा सचिन मिणाको जोडीको कारण नेपाल– भारत सीमा नाकामा कडाई गरिएको बताइन्छ । तर सीमा सुरक्षार्थ खटिने अधिकारीहरुले भने माथिको आदेश कार्यान्वयन गरिएको प्रतिक्रिया दिएका छन् ।
पाकिस्तानी नागरिक सीमा हैदर चार जना छोराछोरीसहित काठमाडौं बाट बिर्तामोड भन्सार हुँदै सहज रुपमा भारत प्रवेश गरेपछि नेपाल भारत सीमामा कडाइ गरिएको हो । नेपाल भारतको नेपालगन्ज, धनुषा र महोत्तरीको सीमामा कडाइ गरिएको छ भने नेपालबाट भारतिय बजारमा किनमेल गर्न जादा पनि नागरिता अनिवार्य गरिएको छ ।
सामान्यतया सहज रुपमै बिना कुनै परिचयपत्र नेपालगन्जबाट भारतिय बजार रुपैडियामा किनमेलको लागी नेपालीहरु जाने गरेकोमा पछिल्ला समय हैदरको घटनापछि नेपाली नागरिकले दुख पाइएका छन् । पाकिस्तानबाट भागेर नेपालको बाटो हुँदै भारत आएकी पाकिस्तानी नागरिक सीमा हैदरलाई भेट्न पाकिस्तानले कन्सुलर पहुँच मागेको छ भने भारतीय सुरक्षा मामिलाका विज्ञहरूले पाकिस्तानी युवती नेपाल हुँदै भिसा नलिई भारत पुग्न सफल भएको विषयलाई लिएर सुरक्षा चिन्तासँग समेत जोडेर हेरेको पाइएको छ ।
भारत र पाकिस्तानमा अहिले सर्वाधिक चर्चा र विवादमा रहेको भारतीय हिन्दु सचिन तथा पाकिस्तानी मुस्लिम महिला सीमा हैदरको विवाह काठमाडौं स्थित सुप्रसिद्ध पशुपतिनाथ मन्दिरमा भएको दाबी उनिहरुले गर्दै आएका छन् । कुनै व्यक्ति विशेषका कारण नाकामा गरिएको अस्वभाविक कडाइले भने नाकामा अस्तव्यस्तता बढेको छ भने नागरिकहरुले दुख पाइरहेका छन् ।
Discussion about this post