योगेश चौधरी
बर्दिया भदौं ३ गते ।
बर्दियाको गेरुवा गाउँपालिका असुरक्षित बन्दै गएको छ । युवाहरुमा बढ्दो लागु औषधको प्रयोग र दुव्र्यसनका कारण गेरुवा गाउँपालिका असुरक्षित बन्दै गएको हो ।
पछिल्लो समय पालिकाभित्र गुण्डागर्दी समेत मौलाउन थालेको स्थानीयबासीहरु बताउँछन् । रातको समयमा गाउँमा मादक पर्दाथ सेवन गरेर होहल्ला गर्दै हिड्ने, झैझगडा गर्ने युवाहरुको समूह बढ्दै गएको स्थानीयको भनाइ छ । गेरुवा गाउँपालिका ५ का स्थानीय एक व्यक्तिले नाम नखुलाउने सर्तमा भने–‘हिजोआज त हाम्रो गाउँमा पुरै अशान्ति भइसक्यो ।
साझ परेपछि ट्यापे मुन्द्रेहरुको विगविगी छ । कतिवेला के हुन्छ भन्नै सकिन्न ।’ गाउँघरमा आउने पाहुनाहरु समेत असुरक्षित बन्नु परेको स्थानीय बताउँछन् । ‘गाउँघरमा कोही पाहुना गाडी वा मोटरसाइकल लिएर आउनु हुन्छ ती स्थानीयले भने–‘चोरी हुन्छ की तोडफोड हुन्छ भन्ने भयले रातभर जाग्राम बस्नु पर्ने अवस्था छ ।’
रातको समयमा लागु औषधको प्रयोग गर्ने, मादक पदार्थ सेवन गर्ने र होहल्ला गर्ने गरिएका कारण निदाउन समेत मुश्किल पर्ने स्थानीयबासीको भनाइ छ । स्थानीयबासीले प्रहरी प्रशासनलाई समस्याबारे पटकपटक भनेको बताउँछन् । तर सुनुवाई नभएको स्थानीयहरुको गुनासो छ ।
स्थानीय जनप्रतिनिधिलाई पनि समस्याबारे अवगत छ । तर समस्या समाधानको निमित्त ठोस पहल नचालेको स्थानीयबासी बताउँछन् । पालिकालाई सुरक्षित बनाउन गृहप्रशासनले स्थानीयस्तरमा आफ्नो उपस्थिति बलियो बनाउनु पर्ने स्थानीय बताउँछन् ।
Discussion about this post