बर्दिया कात्तिक १० गते ।
बर्दियामा प्रतिबन्धित लागूऔषध ब्राउनसुगरसहित पाँच जनालाई प्रहरीले पक्राउ गरेको छ । प्रहरीले बर्दियाको मधुवन नगरपालिका–६ बाट पाँच जनालाई प्रतिबन्धित ब्राउनसुगरसहित पक्राउ गरेको हो ।
मधुवन नगरपालिका–६ का गणेश ओली, वडा नं. ५ का माधव भण्डारी, वडा नं. ७ का सन्दीप नेपाली तथा १६ वर्षीय र १८ वर्षीय किशोर रहेको प्रहरीले जनाएको छ ।
इलाका प्रहरी कार्यालय ढोढरीबाट गएको गस्ती टोलीले सन्दीपको साथबाट ४० मिलिग्राम, माधवबाट ३० मिलिग्राम, गणेशबाट दुई सय मिलिग्राम र २४ हजार ४ सय २६ रुपैया नगद, दुई किशोरबाट ६० मिलिग्राम ब्राउनसुगर बरामद गरेको थियो ।
प्रहरीले उनीहरुलाई नियन्त्रणमा लिएर थप अनुसन्धान गरिरहेको जनाएको छ ।
ADVERTISEMENT
Discussion about this post