बाँके कात्तिक १० गते ।
सवारी दुर्घटनामा शुक्रवार बाँकेमा एक जनाको मृत्यू भएको छ । एक जना घाइते भएका छन् ।
नेपालगन्ज–कोहलपुर सडक खण्ड अन्तरगत इलाका प्रहरी कार्यालय कोहलपुर अगाडि भएको मोटरसाइकल दुघर्टनामा एक जनाको मृत्यू भएको हो ।
शुक्रवार दिउँसो करिव ४ बजेतिर नेपालगन्जबाट सुर्खेततर्फ जाँदै गरेको भे ५ प ५०५ नम्बरको मोटरसाइकल कोहलपुर नगरपालिका वडा नम्बर ११ स्थित इप्रका कोहलपुर अगाडि अनियन्त्रित भई दुर्घटना भएको थियो ।
दुर्घटनामा नेपालगन्ज उपमहानगरपालिका ११ का अमृत गुप्ताको मृत्यू भएको बाँके प्रहरीले जनाएको छ ।
दुर्घटनामा परी मोटरसाइकल चालक वीरेन्द्रनगर नगरपालिका वडा नम्बर ११ का २७ वर्षीय रनवीर चपाई घाइते भएका छन् । घाइते चपाईको नेपालगन्ज मेडिकल कलेज शिक्षण अस्पताल कोहलपुरमा उपचार भइरहेको छ ।
तीव्र गतिमा रहेको मोटरसाइलमा सवार दुवैजनाले मादक पदार्थ सेवन गरेकोले अनियन्त्रित भएको प्रहरीले अनुमान लगाएको छ ।
Discussion about this post