बाँके कात्तिक २५ गते ।
बाँकेका सुकुम्बासीलाई लालपूर्जा वितरण गर्नको लागि निस्सा प्रदान गर्न शुरु गरिएको छ । राष्ट्रिय भूमि आयोग जिल्ला समिति बाँकेले जिल्लाका विभिन्न स्थानीय तहमा पुगेर भूमिहीन र सुकुम्बासीलाई निस्सा दिन थालेको हो ।
बैजनाथ गाउँपालिकामा वडा नं ७ मा तिहारको शुभकामना आदानप्रदान कार्यक्रमका बिच २८० जनालाई निस्सा प्रदान गरिएको भूमि आयोग जिल्ला समिति बाँकेका अध्यक्ष श्रवणकुमार यादवले बताउनुभयो ।
भूमिहीन दलित, भूमिहीन सुकुम्वासी र अव्यवस्थित बसोबासीलाई लालपूर्जा वितरण गर्नका लागि निस्सा दिन थालिएको हो । निस्सा प्राप्त गरे पछि भूमिहीन दलित, भूमिहीन सुकुम्बासी र अव्यवस्थित बसोबासीहरु अब चाँडै लालपुर्जा पाउने आशामा बसेका छन् ।
भूमि आयोग जिल्ला समिति बाँकेका अध्यक्ष यादवले गाउँपालिकाले छिटो गरेको खण्डमा लालपूर्जा वितरणको काम पनि चाँडो हुने बताउनुभयो। ’यो जग्गा यो जग्गा प्राप्ती होइन ।
जग्गा नाप्ने बेलामा यही निस्सा देखाउनुपर्छ,’ यादवले भन्नुभयो, ’निस्सा पाएपछि तपाईंहरुको एउटा चरण पूरा भयो । अब थप अनुगमन गरेर जग्गा वितरणका लागि प्रक्रिया अघि बढ्छ ।’विभिन्न कागजपत्र र तीनपुस्ते विवरण भर्न छुट भई निस्सा नपाएका लाभग्राहीहरुलाई पनि प्रक्रिया पूरा गरेर निस्सा वितरण गरिने उहाँको भनाइ छ । निस्सा पाएका लाभग्राहीहरुको अब थप अनुगमन गरेर जग्गा वितरणका लागि नापजाँच गर्ने कार्य अगाडि बढेपछि छिट्टै लालपूर्जा वितरण हुने अध्यक्ष यादवले बताउनु भयो।
बैजनाथ गाउँपालिकाका अध्यक्ष प्रकाश शाहीले लामो समयसम्म जग्गा नपाएका सुकुम्वासी नागरिकले निस्सा प्राप्त गरेसँगै अब लालपुर्जा पाउने बाटो खुलेको बताउनुभयो । लालपुर्जा प्राप्तीका लागि आवश्यक कार्य गर्न सहजीकरण गर्ने उहाँले बताउनुभयो ।
राष्ट्रिय भूमि आयोग जिल्ला समिति बाँकेका विज्ञ सदस्य अशोक प्रसाद पोखरेलले जग्गा प्राप्तीका लागि सुकुम्वासीले बसिरहेको ठाउँमा पहिलो प्रथामिकता हुनेछन् । त्यो वाहेक वडा, पालिकाभित्र, जोडिएको पालिका वा नेपालका कुनैपनि ठाउँमा तोकिए त्यो ठाउँमा जग्गा पाउने पोखरेलको भनाइ छ ।
Discussion about this post