बाँके कात्तिक २९ गते ।
नेपालगन्ज उपमहानगरपालिका–१ धम्बोझीस्थित एक बोरा गोदाममा भिषण आगलागी भएको छ । विद्युतको तार सर्ट भएर एस.के. टे«डिङको बोरा गोदाममा गए राति आगलागी भएको बाँके प्रहरीले जनाएको छ ।
राति करिब १२ बजेतिर लागेको आगो आज बिहानमात्रै नियन्त्रणमा आएको जिल्ला प्रहरी कार्यालय बाँकेका प्रवक्ता प्रहरी नायब उपरीक्षक नारायण डाँगीले जानकारी दिए । आगलागीबाट गोदाममा रहेका सम्पूर्ण बोरालगायतका सामग्री जलेर नष्ट भएका उनले बताए ।
आगलागीबाट करिब ४० लाखबराबरको क्षति भएको टे«डिङका सञ्चालक सुरेशकुमार शाहले बताए । उनले गोदामभित्र रहेको ५० हजार ठूलो बोरा, ४५ हजार थान जुटको बोरा, ५० हजार कट्टा बोरा, केही प्लाष्टिक बोरी र काठ जलेर नष्ट भएको बताए ।
विद्युतको तार सर्ट भएर आगलागी भएको अनुमान गरिएको प्रहरी प्रवक्ता डाँगीले बताए । दुईवटा बारुणयन्त्र, सशस्त्र प्रहरी र नेपाल प्रहरीको सक्रियतामा आगो नियन्त्रणमा लिइएको बाँके प्रहरीले जनाएको छ ।
Discussion about this post