बाँके मंसिर ५ गते ।
राप्तिसोनारी गाउँपालिका वडा नं ५ विनौना स्थित जय बागेश्वरी असहाय बाल संरक्षण केन्द्रलाइ चिल्ड्रेन प्याराडाइज इ मी स्कुलका शिक्षक र विद्यार्थीहरुले भैलो खेलेको रकमबाट आश्रमलाइ खाद्यान्न सहयोग गरेको छ ।
विद्यालयले १ बोरा चामल १० किलो दाल १० किलो आलु ५ लिटर तेल १० पोका नुन सहयोग संस्थाकी संचालक तारा वलीले जानकारी दिनुभयो । उहाँहरुले भैलो रकमबाट सहयोग गर्नुभयो म निकै खुसी छु ! अझै सहयोग को अपेक्षा गर्छु वलीले भन्नुभयो । त्यस्तै आश्रमलाइ राप्तीसोनारी युवा संजालले २२ हजार सहयोग गरेको जानकारी दिनुभयो ।
संस्थाकी अध्यक्ष तारा वलीले सामाजिक क्षेत्रमा काम गर्न आफु कटिबद्ध भएर लागेको बताउदै संरक्षण केन्द्रलाइ प्रभावकारी ढंगले बढाउन आफु विचलित नहुने र सबैको सहयोग अपेक्षा गरेको बताउनुभयो। केन्द्रमा हाल १२ जना असहाय बालबालिकाहरु रहेका छन । केन्द्रमा रहेका बालबालिमाकहरुको शिक्षा खाद्यान्न सरसफाइ लगायतका आवश्यक समाग्रीहरु सहयोग गरिदिन केन्दले आग्रह गरेको छ ।
Discussion about this post