बाँके मंसिर १० गते ।
बाँकेको राप्तीसोनारी गाउँपालिका वडा न २ टिकुलीपुरमा आजदेखी डिग्रे मेला सुरु हुने भएको छ । उक्त मेलाको सम्पूर्ण तयारी पूरा भएको आयोजकले जनाएको छ ।
सिद्धसाइकुमारी मन्दिर व्यवस्थापन समितिको आयोजनामा संचालन गर्न लागिएको मेलाको विहान ११ बजे गाउँपालिका अध्यक्ष तप्त बहादुर पौडेलले उद्घाटन गर्ने कार्यक्रम रहेको मेला समिति सदस्य सरोज विश्वकर्माले जानकारी दिए। उनका अनुसार मेलाको उद्घाटनसत्रमा विविध झाँकी, महिला पन्चैबाजा र स्कुलहरुको मार्च पास हुने भएको छ ।
मंसिर १२ गते सम्म संचालन हुने मेलामा यसवर्ष विशेषगरी स्थानीय कला संस्कृतिलाइ संरक्षण र प्रवर्द्धन गरिने खालका झाँकी,तथा स्थानीय क्लब भैली समुह ,आमा समुह,विद्यालय स्तरको नृत्य प्रतियोगिता संचालन गरिने मेला समिति सदस्य विश्वकर्माले जानकारी दिए।
यसपटक विशेष गरी स्थानीय कला र संस्कृतिलाइ महत्त्व दिइने छ राष्ट्रिय कलाकारहरुको पनि प्रस्तुति रहने छ विश्वकर्माले बताए । उनका अनुसार मेलमा भलिबल ,मयुरनाच,सिगाँरु नाच ,ब्याटमिन्ट्न प्रतियोगिता कुर्सीदौड,तानडारी,एकल नृत्य प्रतियोगीता संचालन गरिने आयोजकले जनाएको छ ।
Discussion about this post