कैलाली पुस ५ गते ।
लामो समयदेखि बन्द भएर खण्डहर बनेको सुदूरपश्चिमकै सबैभन्दा ठूलो उद्योग बासुलिङ्ग सुगरमिल पुनः संचालनमा ल्याउनुपर्ने भन्दै सरकार पक्ष र विभिन्न राजनीतिक दलबिच पटकपटक मिलको अध्ययनरअनुगमन हुँदै आएको छ।
दुई दशकदेखि बन्द रहेको सो चिनी मिल पुनर्निर्माण गरेर नयाँ प्रविधिका साथ फेरि संचालनमा ल्याउन सकिने सुगर मिलका संचालक अरुण चन्द बताउँछन्। चन्द पूर्वप्रधानमन्त्री लोकेन्द्रबहादुर चन्दका जेठा छोरा हुन्। उनका अनुसार, विदेशी साझेदार समेत भित्र्याएर चिनी मिल पुनः संचालनमा ल्याउन लागिएको यसअघि बताए पनि काम हुन सकेको छैन्।
नयाँ प्रविधिका साथ फेरी सञ्चालन गर्न कुल दुई अर्ब हाराहारी नयाँ लगानी लाग्ने उनको भनाइ थियो। दुई लाख क्विन्टल चिनी उत्पादन गर्ने सक्षमको उद्योग अहिले कालोसूचीमा छ।
२०५१ सालमा सुगर एन्ड जनरल इन्डष्ट्रिजको नामले दर्ता भएको वासुलिङ सुगर मिल २०५४ सालदेखि सञ्चालनमा आए पनि द्वन्द्वको चपेटामा परेर पहिलो पटक २०६१ मा बन्द हुन पुगेको थियो। मिल पुनः सञ्चालनमा आएको वर्ष दिन नपुग्दै बन्द भएको हो। त्यसयता मिल सञ्चालनमा आएको छैन्।
Discussion about this post